चंद्रपूर : तिसऱ्या माळीवर उभा असताना मोबाईलवर फोन आला. मोबाईलवर बोलता बोलता तौल गेल्याने तिसऱ्या माळीवरून पडून एका 35 वर्षाच्या इसमाचा मृत्यू झाल्याची हद़यद्रावक घटना कोरपना तालुक्यातील नांदाफाटा येथे प्रभाव क्रमांक 5 मध्ये उघडकीस आली आहे. जोगदंड बबलू मेश्रारम असे मृतकाचे नाव आहे. या घटनेनंतर गडचांदूर पोलिसांनी नारिकांना मोबाईलवर बोलताना सावधनात बाळगण्याचे आवाहन केले आहे.
कोरपना तालुक्यातील गडचांदूरला लागून असलेल्या नांदाफाटा येथे प्रभाव क्रमांक 5 मध्ये अंजू सेठ यांच्या इमारतीमध्ये जोगदं मेश्राम हे किरायाने राहत होते. ते अल्ट्राटेक सिमेंट कंपनी मध्ये ऑरेंज सिटी या कंत्राटदाराकडे सुपरवायझर म्हणून कार्यरत होते. मंगळवारी (5 एप्रिल) ला रात्री ते कामावरून घरी आले. साडे अकराच्या सुमारास त्यांना मोबाईलवर कुणाचा तरी कॉल आला. ते मोबाईलवर तिसऱ्या माळ्यावर बोलत होते. बोलता बोलता त्यांचा तौल गेल्याने ते सरळ तिसऱ्या माळ्यावरून थेट खाली पडले. उंचारून खाली पडल्याने त्यांचा जागीच मृत्यू झाला. त्यांच्या पश्चात पत्नी व 6 वर्षाची मुलगी आहे.
सदर घटनेची माहिती गडचांदूर पोलिस ठाण्याचे ठाणेदार सत्यजित आमले यांना देण्यात आली. त्यांनी मृतदेह ताब्यात घेऊन उत्तरीय तपासणीला पाठविले. मोबाईलवर बोलताना सावधानता न बाळगल्याने एका इसमाचा मृत्यू झाल्याने सर्वत्र शोककळा पसरली आहे. या घटनेच्या पाश्वभूमिवर गडचांदूर ठाणेदार सत्यजित आमले यांनी, नागरिक, तरूणांना मोबाईलवर बोलताना सावधानता बाळगण्याचे आवाहन केले आहे.
