चंद्रपूर : शेतात काम करीत असताना अचानक आलेल्या पावसादरम्यान वीज पडून महिला ठार झाल्याची घटना आज गुरूवारी (१ सप्टेंबर) रोजी दुपारी साडेतीन वाजताच्या सुमारास भद्रावती तालुक्यातील कोंढा शेत शिवारात घडली. वर्षा ओंकार मंगाम (वय ३४) रा. कोंढा असे मृत महिलेचे नाव आहे.
आज गुरूवारी ही महिला पतीसह शेतात काम करण्यासाठी गेली होती. दूपारच्या सुमारास अचानक पावसाने हजेरी लावली. पाऊस सूरू असतानाच मोठ्याने विजेचा कडकडाट झाला. आणि शेतात विज कोसळली, यावेळी आपल्या पतीसोबत शेतात शेतीचे काम करीत असलेली महिलेचा जागीच मृत्यू झाला. या घटनेची भद्रावती पोलिसांना माहिती देण्यात आली. पोलिसांनी घटनास्थळी येऊन मृतदेह ताब्यात घेतला. पंचनामा करून मृतदेह शवविच्छेदनासाठी भद्रावती येथील ग्रामीण रुग्णालयात पाठविण्यात आला.
मृत महिलेच्या पश्चात पती, सासरे, सासू, दोन मुली व मुलगा असा आप्त परिवार आहे. या महिलेच्या मृत्यूने कोंढा गावात शोककळा पसरली आहे.
.jpeg)
