ब्रम्हपुरी:-
महाराष्ट्र इन्स्टिटय़ूट ऑफ पॉलिटेक्निक, बेटाळा येथे दिनांक २६ ऑक्टोबर २०२४ रोजी शिक्षक-पालक सभा आयोजित करण्यात आली. या सभेत शिक्षक-पालक संघाची स्थापना करून नवे पदाधिकारी नियुक्त करण्यात आले.
सभेत संस्थेचे प्राचार्य महोदय सुयोग बाळबुधे यांच्या मार्गदर्शनाखाली शाळेच्या शैक्षणिक व विविध विकासात्मक योजनांवर चर्चा झाली. तसेच, विद्यार्थी प्रगती, उपक्रम आणि भविष्यातील योजना यावर पालक-शिक्षक संवाद झाला.
या सभेत शिक्षक-पालक संघ स्थापन करून पुढील पदाधिकारी नियुक्त करण्यात आले:
अध्यक्ष: श्री. छगन हाडगे
उपाध्यक्ष: श्री. शंकर चौके
सचिव: श्री. सुयोग बाळबुधे (संस्थेचे प्राचार्य)
सदस्य: श्री. जीवन उके, श्री. असद शेख, श्री. नरेंद समर्थ, श्री. रुपेश ढोरे, श्री. गिरीश साखरे
या शिक्षक-पालक संघाच्या स्थापनेमुळे विद्यार्थ्यांच्या प्रगतीवर अधिक प्रभावीपणे लक्ष केंद्रित करता येणार आहे. पालकांनी संस्थेच्या या उपक्रमाचे स्वागत केले व शिक्षक-पालक संघाच्या माध्यमातून विद्यार्थ्यांना सर्वतोपरी सहकार्य करण्याचे आश्वासन दिले.
या सभेमध्ये पालकांनी आपल्या मुलांच्या शिक्षणासंदर्भात शिक्षकांशी थेट संवाद साधला. विद्यार्थ्यांच्या समस्यांचे निराकरण, अभ्यासातील अडचणी, आणि भविष्यातील योजना या संदर्भात पालक आणि शिक्षकांनी विचारमंथन केले. तसेच, विद्यार्थ्यांच्या गुणवत्ता वाढीसाठी कोणते उपाययोजना कराव्यात, याबाबतही चर्चा झाली.
या सभेच्या यशस्वी आयोजनासाठी संस्थेचे संस्थापक श्री देवेंद्रजी पिसे यांचे मार्गदर्शन लाभले तसेच शिक्षक, कर्मचारी, व विद्यार्थ्यांनी अथक परिश्रम घेतले. सभा यशस्वीरीत्या पार पडल्याबद्दल संस्थेच्या प्राचार्यांनी सर्वांचे आभार मानले व पुढील काळातही असेच सहकार्य मिळेल, असा विश्वास व्यक्त केला.
आपल्या प्रतिक्रिया द्या....
