वाशिम (जिल्हा प्रतिनिधी संजय कडोळे) : केंद्र शासनाच्या महिला व बालविकास विभागाच्या वतीने बाल शक्ती पुरस्कार व बालकल्याण पुरस्कार देण्यात येतो. बाल शक्ती पुरस्कार हा ज्या मुलांनी वय ५ वर्षापेक्षा अधिक व १८ वर्षापर्यंतच्या शिक्षण, कला, सांस्कृतिक कार्य, खेळ नाविन्यपूर्ण शोध, सामाजिक कार्य व शौर्य अशा क्षेत्रात विशेष नैपुण्यपूर्ण कामगिरी केलेली आहे त्यांना हा पुरस्कार दिला जातो.
बालकल्याण पुरस्कार हा वैयक्तिक पुरस्कार असून मुलांच्या विकास,संरक्षण व कल्याण या क्षेत्रात कोणत्याही प्रकारचे वेतन अथवा मानधन न घेता मानवसेवी उदात्त भावनेतून किमान ७ वर्षे काम करणाऱ्या व्यक्तीना हा पुरस्कार दिला जातो. संस्था स्तरावर - बालकल्याण क्षेत्रात अपवादात्मक कार्य करणाऱ्या संस्थेला हा पुरस्कार दिला जातो. संस्था पूर्णत: शासनाच्या निधीवर अवलंबून नसावी. बालकल्याण क्षेत्रात किमान १० वर्षे सातत्यपूर्ण उत्कृष्ट कार्य करणारी असावी.
बाल शक्ती पुरस्कार सन 2024 करीता केंद्र शासनाने अर्ज मागविले आहे. हे अर्ज www.awards.gov.in या संकेतस्थळावर ऑनलाईन पध्दतीने स्वीकारले जाणार आहे. पुरस्कारांविषयी माहिती या संकेतस्थळावर देण्यात आली आहे. पुरस्कारासाठी अर्ज करण्याची अंतिम मुदत 31 ऑगस्ट 2023 आहे. असे जिल्हा महिला व बालविकास अधिकारी यांनी कळविले आहे.
.jpeg)
