अर्जुनी-मोर : विनयभंग करणाऱ्या आरोपीला अगदी चोवीस तासाच्या आत दोन वर्ष कारावास व चार हजार रुपये दंडाची शिक्षा माननीय न्यायालयाने ठोठावली एकंदरीतच अर्जुनी-मोर पोलिसांची सुपरफास्ट कामगिरी दिसून आल्याने त्यांच्यावर नागरिकांकडून अभिनंदन केले जात आहे.
याविषयी सविस्तर वृत्त असे की अर्जुनी मोर तालुक्यातील अरुण नगर येथे राहणाऱ्या 19 वर्षीय मुलीचा विनयभंग केल्याची तक्रार दिनांक 27 जून रोजी अर्जुनी मोर पोलीस ठाणे येथे प्राप्त झाली होती अर्जुनी मोर पोलीस स्टेशनचे ठाणेदार सहाय्यक पोलीस निरीक्षक सोमनाथ कदम यांनी सदर घटनेचे गांभीर्य लक्षात घेऊन तात्काळ गुन्हा भारतीय दंडविधान कलम 354,354अ प्रमाणे गुन्हा दाखल करून आरोपीला तात्काळ अटक केली.
व जलद गतीने तपास पूर्ण करून चोवीस तासाच्या आत आरोपीला दोषारोप पत्रासह माननीय प्रथम वर्ग न्यायदंडाधिकारी अर्जुनी मोरगाव यांच्या न्यायालयात हजर केले माननीय न्यायालयाने सर्व प्राप्त पुराव्यांची पडताळणी करून आरोपीला दोन वर्ष कारावास व चार हजार रुपये दंडाची शिक्षा सुनावली आहे विनयभंगाच्या गुन्ह्याचा संपूर्ण तपास व निकालास चोवीस तासात पूर्ण केल्याची गोंदिया जिल्ह्यातील अतिशय दुर्मिळ केस आहे.
अर्जुनी मोर पोलीस स्टेशनचे ठाणेदार सहाय्यक पोलीस निरीक्षक सोमनाथ कदम यांनी मागील महिन्यातच एका घरफोडी चोरीच्या गुन्ह्यातील आरोपीला चोवीस तासांमध्ये संपूर्ण तपास करून पंधरा दिवस कारावासाची शिक्षा माननीय न्यायालयाने ठोठावलेली होती पोलीस अधीक्षक विश्व पानसरे उपविभागीय पोलिस अधिकारी देवरी संकेत देवळेकर यांच्या मार्गदर्शनाखाली या गुन्ह्याचा तपास सहाय्यक पोलीस निरीक्षक सोमनाथ कदम सहाय्यक पोलीस निरीक्षक संभाजी तागड यांनी केला आहे या गुन्ह्याच्या तपासामध्ये पोलीस अंमलदार दीपक खांडेकर गौरी शंकर कोरे प्रवीण बहिरे.
श्रीकांत मेश्राम रमेश सेलोकर चंद्रकांत भोयर विजय कोटांगले राहुल चिमणकर दिलीप वाढई यांनी मोलाचे सहकार्य केले अर्जुनी-मोर पोलिसांच्या या यशस्वी कामगिरीबद्दल पोलीस अधीक्षक विश्व पानसरे यांनी अर्जुनी-मोर पोलिस स्टेशनचे ठाणेदार सोमनाथ कदम तसेच या गुन्ह्याचे तपासी अधिकारी सहाय्यक पोलीस निरीक्षक संभाजी तागड यांचे अभिनंदन केले आहे तसेच कायदा व सुव्यवस्था अबाधित ठेवण्यासाठी अर्जुनी-मोर पोलीस स्टेशन सदैव तत्पर असून त्यांच्या यशस्वी कामगिरीबद्दल नागरिकांकडून सुद्धा अभिनंदन होत आहे.
