वडिलोपार्जित घराच्या हिस्सेवाटणीवरून मोठ्या भावाने लहान भावासह आईस शिवीगाळ केली. यामुळे राग अनावर होऊन लहान भावाने मोठ्या भावाच्या तोंडावर आणि मानेवर सब्बलीने वार करीत जीवानिशी ठार मारण्याचा प्रयत्न केला. यात मोठा भाऊ जबर जखमी झाला. ही घटना २५ जूनच्या रात्री आठ वाजण्याच्या दरम्यान घडली.
सोपान बंडू गिल्लोरकर (वय २८ मुरमाडी तुपकर, ता. लाखनी) असे जखमीचे नाव आहे, तर आरोपीचे नाव अमोल बंडू गिल्लोरकर (२४) असे आहे. वडिलोपार्जित संपत्तीच्या वादावरून दोन भावांत शाब्दिक वाद झाला. यात आईला केलेली शिवीगाळ लहान भावाला सहन न झाल्याने घरातील सव्चलचा आणून मोठचा भावावर वार केले. यात तो जबर जखमी झाला. जखमीला उपचारार्थ दाखल करण्यात आले. जखमीवर नागपूर येथील शासकीय रुग्णालयात अतिदक्षता विभागात उपचार सुरु आहेत. या प्रकरणी नितेश गिल्लोरकर याने २६ रोजी पोलिसांततक्रार केल्यावर ठाणेदार वीरसेन चहांदे व पोलिस शिपाई नावेद पठाण यांनी घटनास्थळी भेट देऊन गुन्ह्याची नोंद घेतली आहे. आरोपीला तीन दिवसांची पोलिस कोठडी मिळाली होती. बुधवारी त्याची न्यायालयीन कोठडीत रवानगी करण्यात आली आहे.
.jpg)
