आरमोरी-
येथील वडसा टी. पॉईंट जवळ पोस्ट ऑफिस कार्यालाय नजीक लागून असलेल्या एका रेस्टॉरंट मध्ये काम करणाऱ्या १९ वर्षीय बंगाली तरुणीस युवकांनी विनाकारण स्वातंत्रदिनी बेदम मारहाण केल्याची घटना १५ ऑगस्ट रोजी सकाळी ११.३० वाजताच्या दरम्यान घडली.हा सर्व प्रकार कॅमेरात बंदिस्त झाला असून त्या तरुणीच्या तक्रारीवरून आरोपी विरोधात गुन्हा दाखल झालेला असून आरोपी फरार झाले आहेत.
आरोपीचे नाव सोहेल शेख रा.बर्डी आरमोरी वय वर्षे ३०
व अयुब शेख रा.कासार मोहल्ला आरमोरी वय वर्षे३८ असे फरार झालेल्या आरोपींचे नाव आहे.
प्राप्त माहितीनुसार, आरमोरी येथील वडसा पॉईंट जवळ शिवम रेस्टॉरंट असून मागील ०९ महिन्यापासून १९ वर्षीय युवती काम करीत आहे.स्वातंत्र्य दिनाच्या दिवशी सकाळी १०.४५ वाजताच्या दरम्यान आरोपी सोहेल व त्याची पत्नी सदर रेस्टॉरंट मध्ये दोसा खाण्यासाठी आले.परंतु आरोपी सोहेल याने पत्नीला रेस्टॉरंट मध्ये सोडून तो बाहेर कामासाठी निघून गेल्यानंतर सोहेलच्या पत्नीने सदर युवतीस मोबाईल चार्जिंग करण्यासाठी चार्जर मागितला. परंतु सदर युवतीने तिला सांगितले की,मालकाचा आदेश असल्याने मी तुम्हाला चार्जर देऊ शकत नाही.यानंतर सोहेलच्या पत्नीने तिच्याशी बाचाबाची केली.व मी तुला पाहून टाकीन,तू रेस्टॉरंट मध्ये कशी राहतेस मी तुला पाहून टाकीन,अशी धमकी दिली. व आरोपी साहिलच्या पत्नीने आपल्या आरोपी पतीस फोन करून झालेल्या घटनेची उलट माहिती दिली.त्यामुळे अवघ्या पाच मिनिटात आरोपी सोहेल हा रेस्टॉरंट मध्ये पोहोचला. व काउंटर मध्ये बसलेल्या युवतीचे केस धरून काउंटर मधून बाहेर खिचले.व रेस्टॉरंट मध्ये असलेल्या टेबल वर तिचे जोरजोराने डोके आपटले.यानंतर आरोपी सोहेलने एवढ्यावरच न राहता तिचे केस धरून फरफटत नेले. तिला खाली पाडले. व तिला लाता बुक्क्यांनी मारहाण केली. यावेळी वारंवार हॉटेल मालकाने त्यांना अटकाव केला परंतु त्याला न जुमानता आरोपी सोहेल मात्र तिला लाता बुक्क्यांनी मारतच होता. यानंतर सदर युवती ही बेशुद्ध पडली.यानंतर आरोपी सोहेलने फोन करून आपल्या १० ते १५ मित्रांना बोलावून घेतले.यांपैकी आरोपी अयुब हा सदर युवतीजवळ येऊन त्याने सुद्धा तिला मारहाण केली.आरोपी सोहेलने तिला अश्लील शिवीगाळ केली.हॉटेल मालकाने तिला आणखी मारू नये म्हणून समयसूचकता दर्शवून तिला मागील खोलीत नेऊन बंदिस्त केले.यानंतर सोहेलच्या मित्रांनी धिंगाणा घालण्याचा प्रयत्न केला.यानंतर सोहेलने स्वतःच पोलीस स्टेशनला फोन करून पोलिसांना कळविले. पोलिसांनी घटनास्थळ गाठुन सदर युवतीस ताब्यात घेतले.मात्र सी सी टी व्ही वरून आरोपी सोहेल व त्याचा साथीदार असल्याने पोलीस या दोघांचा शोध घेत आहे.सदर तरुणीच्या तक्रारीवरून आरमोरी पोलिसांनी विनयभंग, लज्जास्पद वर्तणूक,अश्लिल शिवीगाळ, जीवे मारण्याची धमकी,यावरून कलम७४,७९,११५(२),३५१,३(५)
अन्वये गुन्हा दाखल केलेला असून अधिक तपास आरमोरी पो. स्टे. चे पोलीस निरीक्षक रहांगडाले यांचे मार्गदर्शनाखाली पोलीस उपनिरीक्षक संतोष कडाळे करीत आहे.
सदर प्रकरणाचा भारतीय जनता पार्टी आरमोरी, भारतीय राष्ट्रीय काँग्रेस, राष्ट्रवादी काँग्रेस पार्टी (अजितदादा पवार )विश्व हिंदू परिषद, बजरंग दल आदिनी निषेध नोंदविला असून आरोपींना तात्काळ अटक करण्याची मागणी सर्वपक्षीयानी केली आहे.
घटनेच्या निषेधार्थ उद्या आरमोरीत सर्वपक्षीय बंदचे आवाहन
घटनेचा निषेध करण्यासाठी आज दिनांक २०ऑगस्ट रोजी आरमोरी येथे सर्वपक्षीय बंदचे आयोजन करण्यात आले असून या बंदमध्ये व्यापारी प्रतिष्ठान, शाळा, महाविद्यालये बंद ठेवण्याचे आवाहन भारतीय जनता पार्टीचे नेते माजी नगराध्यक्ष पवन नारनवरे, भाजयुमो जिल्हा महामंत्री भारत बावनथडे, तालुका अध्यक्ष पंकज खरवडे, शहर अध्यक्ष विलास पारधी,राष्ट्रवादी काँग्रेस पार्टी (अजितदादा पवार) चे तालुका अध्यक्ष अमीन लालानी, कार्याध्यक्ष सुनील नंदनवार, शहर अध्यक्ष प्रदीप हजारे, युवक तालुका अध्यक्ष दिवाकर गराडे, महिला तालुका अध्यक्षा वृषाली भोयर, शहर महिला अध्यक्षा संगीता मेश्राम, शहर उपाध्यक्ष प्रफुल राचमलवार, शहर सरचिटणीस राकेश बेहरे, युवक शहर अध्यक्ष श्रीधर पोटेकर, तालुका काँग्रेस कमेटी तालुका अध्यक्ष मिलिंद खोब्रागडे, मनोज वनमाळी, विजय सुपारे, विश्व हिंदू परिषदेचे जिल्हा मंत्री शंकर बोरकर, बजरंग दल चे संयोजक अमन गहेरवार, सह संयोजक राजू जराते, शिवसेना (उ बा ठा ) तालुका प्रमुख भूषण सातव, शहर प्रमुख सागर मने, जिल्हा महिला उपप्रमुख वेणूताई ढवगये, राजू अंबानी, महेंद्र शेंडे, राष्ट्रवादी काँग्रेस पार्टी (शरद ) चे तालुका अध्यक्ष संदीप ठाकूर, शिवसेना शिंदे गटाचे विधानसभा प्रमुख नारायण धकाते, विधानसभा समन्वयक राकेश बैस मधुसूदन चौधरी, संतोष गोंधळे, महिला जिल्हाप्रमुख अर्चना गोंधोळे, यांनी केले आहे.
आपल्या प्रतिक्रिया द्या....
.jpeg)
