सडक अर्जुनी, (दि.१६ नोहेंबर) : तालुक्यातील गोंदिया ते कोहमारा मार्गावर आज सकाळी ०९ वाजता दरम्यान काळी पिवळी आणि ट्रक मध्ये भीषण अपघात झाला असून त्यात एक प्रवासी जागीच ठार झाला. तर वाहनात बसलेले अन्य ६ प्रवासी गंभीर जखमी झाल्याने त्यांना गोंदिया च्या वैद्यकीय रुग्णालयात हलविण्यात आले होते. पैकी रुग्णालयात उपचारादरम्यान दोन प्रवाशी देखील मृत्यू झाल्याने सर्वत्र हळहळ व्यक्त केली जात आहे.
सविस्तर असे की, काली पिवळी वाहन क्र: MH 36, 3111 ही कोहमारा वरून गोंदिया कडे जात होते तर ट्रक क्र: MH 40 Y 8487 गोंदिया कडून कोहमारा कडे येत होते. दरम्यान डव्वा जवळ ट्रक चे टायर फुटल्याने चालकाचे नियंत्रण सुटले व समोरून येणाऱ्या प्रवासी काळी पिवळी ला जबर धडक बसली. हा अपघात इतका भीषण होता की, काळी पिवळीचा संपूर्ण चेंदामेंदा झाला असून काही प्रवासी आत मध्ये फसले तर काही बाहेर फेकले गेले होते. सगळीकडे रक्ताचा सडा पडलेला होता.
अपघातात मृत्यू झालेल्या प्रवास्यांमध्ये मृतक श्याम शंकर बंग ता. गोरेगाव (वय वर्ष 70), अंबिका गोकुलप्रसाद पांडे (61) रा. चिरचाली, डव्वा, सुरेश शंकर मुनेश्वर (24) रा. काळीमाती। ता. आमगाव आहेत. घटनेचा अधिक तपास डूग्गीपार आणि महामार्ग पोलीस करीत आहेत.
ट्रकचा टायर फुटल्याने बिघडले संतुलन-
गोंदियावरून कोहमाराकडे धान घेऊन जाणाऱ्या ट्रकचा टायर अचानक फुटल्याने ट्रक चालकाचे संतुलन बिघडले. ट्रक दुसऱ्या बाजूला गेल्याने समोरून येणाऱ्या काळी पिवळीवर धडकला. या अपघातात काळी पिवळीचा चेंदामेंदा झाला. काळी पिवळीचा छत उडाला.
यांच्यावर सुरू आहे उपचार –
या अपघातात गंभीर जखमी असलेले चालक शाकीर अली अब्दुल अली, वनिता भांडारकर, नवेगावबांध येथील टायगर फोर्समध्ये असलेल्या मनीषा चिखलोंडे, दोन अनोळखी पुरुष असून त्यांची ओळख पटली नाही. तर सहावा गंभीर जखमी प्रनोली सतीश राठोड (१५) रा. भुसारीटोला हा गोंदियाच्या एका खासगी रुग्णालयात उपचार घेत आहे.
केटीएसला आले छावणीचे रूप –
भुसारीटोला अपघातातील गंभीर जखमींना उपचारासाठी गोंदियाच्या शासकीय वैद्यकीय महाविद्यालयात आणताच गोंदिया शहरचे ठाणेदार चंद्रप्रकाश सूर्यवंशी, सहायक पोलीस निरीक्षक अरविंद राऊत व पोलीस अंमलदारांनी केटीएस जिल्हा सामान्य रुग्णालय गाठून चोख बंदोबस्त ठेवण्यात आला. आरसीबीचे पथक त्वरित शासकीय वैद्यकीय महाविद्यालयात दाखल करण्यात आले.
ओळख पटविण्यासाठी शहर पोलिसांचा खटाटोप-
अपघातातील गंभीर जखमी व केटीएसमध्ये उपचारादरम्यान मृत पावलेल्या दोघांची ओळख पटवून घेण्यासाठी गोंदिया शहर पोलिसांनी प्रयत्न केले. गंभीर जखमींच्या फोटो सोशल मीडियावर पाठवून ओळख पटवून घेतली. त्यांच्या नातेवाइकांना शोधण्यात पोलिसांना यश आले. दोन गंभीर जखमींना अतिदक्षता कक्षात दाखल करण्यात आले आहे.
आपल्या प्रतिक्रिया द्या....
.jpeg)
.jpeg)
