कारंजा : येथून जवळच असलेल्या दारव्हा मार्गावरील, सोमठाना या छोट्याशा खेड्यात राहणारे दाम्पत्य म्हणजेच, सौ तुळसाबाई मधुकरराव गावंडे (वय : ६५ वर्षे) व मधुकर विठोबा गावंडे (पाटील) ( वय : ७२ वर्षे ) हे दाम्पत्य आज म्हातारपणातील विविध आजार व व्याधींनी ग्रस्त आहेत . वृद्धापकाळामुळे कामधंदा होत नाही त्यामुळे आज ते कुणी म्हातारपणी त्यांना जिव्हाळा लावून मायेचा आसरा देईल का ? याची प्रतिक्षा करतांना दिसत आहे. याबाबत अधिक वृत्त असे की, कामधंद्याकरीता काही वर्षापूर्वी वापी गुजरात येथे गेलेल्या त्यांच्या मुलांचे स्वयंपाकाच्या गॅस दुर्घटनेत अपघाती निधन झाले होते . त्यामध्ये वयोवृद्ध दाम्पत्याची दोन मुले ज्ञानेश्वर मधुकर गावंडे, सुनबाई सौ शारदा गावंडे, चिमुकली नात कु मोहना ज्ञानेश्वर गावंडे, विहीनबाई विमलाबाई वाघ यांचे निधन झाले होते तर याचा प्राणांतिक धक्का लागून विवाहीत मुलीचे मुक्ताबाईचे सुद्धा निधन झाले होते . त्यामुळे कुनबी पाटील समाजातील मधुकर गावंडे तथा तुळसाबाई गावंडे ह्या पूर्णतः निराधार झाल्या असून, त्यांना म्हातारपणी , समाजातील दानशूर व्यक्तींनी पुढे येऊन जीव्हाळा लावण्याची व आसरा देण्याची गरज आहे .
