वाशिम : एखाद्या देवदूताप्रमाणे पावसाच्या पुढील अंदाजाची अचूक भविष्यवाणी करणाऱ्या वाशिम जिल्ह्यातील ग्राम रुई (गोस्ता) येथील हवामान अभ्यासक गोपाल विश्वनाथ गावंडे यांचे अंदाज अचूक ठरत असल्याने संपूर्ण विदर्भ, मराठवाडा,खान्देश,उत्तर महाराष्ट्र,पश्चिम महाराष्ट्राच्या गाव खेड्यातील शेतकरी राजांची गोपाल गावंडे यांचेवर हळूहळू प्रचंड विश्वास व श्रद्धा बसत आहे.कित्येक शेतकरी तर त्यांच्या अंदाजाप्रमाणे शेतातील कामे व आपल्या पेरण्या उरकून घेत असतात.अनेक शेतकरी रात्रंदिवस त्यांचेशी फोनवरून संवाद साधत असतात.दि.13 एप्रिल 2024 रोजी महाराष्ट्र हरित सेनेचे आजिवन सदस्य तथा आमचे प्रतिनिधी महाराष्ट्र राज्यस्तरिय पत्रकार परिषदेचे अध्यक्ष संजय कडोळे यांचेशी संवाद साधताना,सध्या वातावरणात पावसाला पूरक वातावरण तयार झाले असून दि 13 एप्रिल 2024 च्या रात्री नंतर दि 14 ते 17 एप्रिल पर्यंत गारपिट व वादळी वाऱ्यासह वळवाचा,पाऊस होण्याचा अंदाज दिला आहे.भर उन्हाळ्यात पावसाळासदृश्य वातावरण तयार झाले असून त्यामुळे आणखी पुढील तिन दिवसात संपूर्ण महाराष्ष्ट्रात भाग बदलवून अनेक ठिकाणी अवकाळी होण्याचा अंदाज गोपाल गावंडे यांनी दिला असून वादळी वारे व गारपिट राहणार असल्याचे स्पष्ट केले असून ढगाच्या प्रचंड गडगडाटात आणि विजांच्या आतिशबाजीत काही भागात तर प्रचंड कोसळधारा होण्याचा अंदाजही कळवील आहे .ह्या पावसाने सद्यस्थितीत शेतात असलेली उन्हाळी पिके,पालेभाज्या आणि संत्रा,आंबा आदी फळपिकांचे अतोनात नुकसान होत आहे.तरी सुद्धा शेतकऱ्यांनी सावधानता बाळगून आपल्या शेतमालाचे व घरादाराचे रक्षण केले पाहिजे. या दिवसात प्रचंड वादळी वारे, ढगांच्या गडगडाटात आणि विजांच्या कडकडाटात गारपिट, पाऊस होण्याची अवकाळीमध्ये जास्त शक्यता असल्याने ग्रामस्थानी शेतात व हिरव्या झाडाखाली थांबू नये. नद्यांना व ओढ्यांना पूर येण्याची शक्यता लक्षात घेऊन आपल्या शेळ्यामेंढ्या, गुराढोराची व शेतमालाची विशेष काळजी घ्यावी असे गोपाल विश्वनाथ गावंडे यांनी आमचे प्रतिनिधी संजय कडोळे यांना कळवीले आहे.
.jpeg)
