वाशिम (जिल्हा प्रतिनिधी संजय कडोळे) १ जून रोजी पावसाळा सुरु होत आहे.या दिवसामध्ये जिल्हयात वादळी वाऱ्यासह,विजांच्या कडकडासह पाऊस येत असतो.या कालावधीत विज पडुन होणारी जिवित हानी व वादळी वाऱ्यामुळे घरांची भिंत, टिनपत्रे पडुन होणारी जिवित हानी व वित्त हानी टाळण्याकरीता जिल्हा प्रशासनाने काय करावे आणि काय करू नये याबाबत प्रतिबंधात्मक उपाययोजना म्हणून मार्गदर्शक सुचना सुचविल्या आहे.
नैसर्गीक वीज पडून मोठया प्रमाणात जिवीत व वित्त हानी होत असते,नैसर्गीक विज पडून होणारी जिवीत व वित्त हानी टाळण्यासाठी दक्षता काय करावे - हवामानविषयक अद्यावत माहीतीकरीता राष्ट्रीय आपत्ती व्यवस्थापन प्राधिकरणच्या वतीने निर्मित "सचेत ॲप Google Play Store वर जावून डाउनलोड करून घेवून त्याचा वापर करावा. Google Play Store वर जावून "दामिनी अॅप" डाउनलोड करून त्याचा वापर करावा.
वादळी वारा/विजा चमकत असल्यास घरात असल्यास,घराच्या खिडक्या व दरवाजा बंद ठेवावा. घराच्या दरवाजे खिडक्या, कुंपणापासून दूर राहावे.मेघगर्जना झाल्यापासून ३० मिनिटे घराच्या आतच रहावे.घराबाहेर असल्यास - त्वरित सुरक्षित निवाऱ्याच्या ठिकाणाकडे (मजबूत इमारतीकडे) प्रस्थान करावे.ट्रॅकटर्स,शेतीची अवजारे,मोटरसायकल,सायकल यांच्यापासून दूर रहावे.गाडी चालवत असल्यास,सुरक्षित स्थळी जाण्याचा प्रयत्न करावा.
उघडयावर असल्यास,शेवटचा पर्याय म्हणुन लगेच गुडघ्यावर बसून हाताने आपले कान झाकावे व डोके दोन्ही गुडघ्यांच्या मध्ये झाकावे. जमीनीशी कमीत कमी संपर्क असावा.मोकळया तसेच लटकल्या विद्युत तारांपासून दूर राहावे. जंगलामध्ये दाट,लहान झाडाखाली, उताराच्या जागेवर निवारा घ्यावा .
उघडयावर असल्यास,शेवटचा पर्याय म्हणुन लगेच गुडघ्यावर बसून हाताने आपले कान झाकावे व डोके दोन्ही गुडघ्यांच्या मध्ये झाकावे. जमीनीशी कमीत कमी संपर्क असावा.मोकळया तसेच लटकल्या विद्युत तारांपासून दूर राहावे. जंगलामध्ये दाट,लहान झाडाखाली, उताराच्या जागेवर निवारा घ्यावा.इतर खुल्या जागेवर वरीसारखा खोल जागेवर जाण्याचा प्रयत्न करावा.
वीज पडल्यास / वज्राघात झाल्यास : त्वरीत रुग्णवाहीका व वैद्यकीय मदत बोलवावी.वज्राघात बाधित व्यक्तीस त्वरित वैदयकीय मदत मिळवून द्यावी.त्याला हात लावण्यास धोका नाही.ओल्या व थंड परीस्थितीत,बाधित व्यक्ती व जमिनीच्या मध्ये संरक्षणात्मक थर ठेवावा,जेणेकरून हायपोथेरमीयाचा शरीराचे अति कमी तापमान धोका कमी होईल.
खालील प्रमाणे इजा झालेल्या इसमास हाताळावे : श्वसन बंद असल्यास तोंडाव्दारे पुनरुत्थान प्रक्रीय अवलंबावी. ह्दयाचे ठोके बंद असल्यास कुठलीही वैद्यकीय मदत मिळेपर्यंत रुग्णाची ह्दय गती सीपीआर करुन सुरु ठेवावी.
काय करु नये - गडगडाटीचे वादळ आल्यास,उंच जागांवर टेकडीवर,मोकळया जागांवर समुद्र किनारी,स्वतंत्र झाडे, रेल्वे/बस/ सहलीची आश्रय स्थाने, दळणवळणाची टॉवर्स,ध्वजाचे खांब, विद्युत/दिव्यांचे खांब,धातूचे कुंपण, उघडी वाहने आणि पाणी इत्यादी ठिकाणे टाळावेत.
घरात असल्यास - वायरद्वारे जोडले गेलेले फोन/ मोबाइल व इतर इलेक्ट्रीक/इलेक्ट्रॉनिक उपकरणे विद्युत जोडणीस लावू नये. गडगडीच्या वादळादरम्यान व वीजा चमकतांना कोणत्याही विद्युत उपकरणांचा वापर करु नका.या दरम्यान आंघोळ करणे,हात धुणे, भांडी धुणे, कपडे धुणे ही कार्ये करू नयेत.
कॉक्रीटच्या (ठोस) जमिनीवर झोपू नये किंवा उभे राहु नये. प्रवाहकीय पृष्ठभागांशी संपर्क टाळावा. (धातूची दारे,खिडक्यांची तावदाने,वायरींग व इलेक्ट्रीक मिटर).
घराबाहेर असलेल्या वस्तू यांना स्पर्श करू नये . मेघगर्जनेच्या वेळी,वीजा चमकत असतांना किंवा वादळीवारे वाहत असतांना झाडाखाली किंवा झाडाजवळ उभे राहू नये. वाहनांच्या धातू किंवा वीजेच्या सुवाहक भागांशी संपर्क टाळावा.अधांतरी लटकणाऱ्या/लोंबणाऱ्या तारांपासून (cables) पासून लांब रहावे.
अवकाळी पाऊस व वारा यामुळे होणारे नुकसान टाळण्याकरीता पुढीलप्रमाणे प्रमाणे दक्षता घेण्यात यावी - वादळी वाऱ्यासह,विजांच्या कडकडासह पाऊस येत असल्यास तात्काळ सुरक्षित स्थळी पोहचून आश्रय घ्यावा.शक्यतो मोठया झाडांचा,टिनपत्रे असलेल्या शेडचा, जिर्ण इमारतीचा आश्रय घेऊ नये. आपण शेतात असल्यास,पाऊसाचा अंदाज,आभाळ असल्यास तात्काळ घराकडे प्रस्थान करावे किंवा मजबूत अशा सुरक्षित स्थळाचा आश्रय घ्यावा. वाहन चालवित असल्यास तात्काळ सुरक्षित स्थळी आश्रय घेऊन स्वतः जवळील मोबाईल बंद करावा.
जेणेकरून आपल्याकडे विज आकर्षित होणार नाही.विजेच्या वस्तुंशी संपर्क ठेवू नये व त्यापासुन दुर राहावे.वादळी पाऊस व विजांचा कडकडाट सुरु असल्यास घरातच राहावे.घर सुरक्षीत करुन आवश्यक दुरुस्ती करावयाची असल्यास ती करुन व्यावी.विशेषतः छत दुरूस्ती करून घ्यावी,तीक्ष्ण वस्तू सैल सोडू नयेत.आपल्या सभोवताल असलेली किडलेली झाडे/ तुटलेल्या फांदया काढुन टाकाव्यात.जेणेकरून विज पडुन किंवा वादळ वाऱ्यापुर्वी झाडे पडून नुकसान होणार नाही. या कालावधीत सर्व विद्युत उपकरणे अनप्लग करून घ्यावे तसेच टिन पत्रे व मेटल शिट असलेल्या वस्तुपासून शक्यतो दुर राहावे. झाडांच्या जवळ किंवा झाडाखाली आसरा घेऊ नये.
वादळाने नुकसान झालेल्या भागापासुन/ घरापासून दुर राहावे. पडलेल्या झाडापासुन / पडलेल्या विज तारांपासुन दुर राहावे.अशाप्रकारच्या उपाययोजना पावसाळ्यात होणाऱ्या जिवीत व वित्त हानी टाळण्यासाठी नागरीकांनी कराव्यात.असे आवाहन जिल्हा प्रशासनाने केले आहे.
आपल्या प्रतिक्रिया द्या....
.jpeg)
