चंद्रपूर जिल्ह्यातील सावली पंचायत समितीच्या शिक्षण विभागात लाचलुचपत विभागने धाड टाकली. यात गट शिक्षण अधिकारी लोकेश खंडारे यांना लाच घेतांना रंगेहाथ पकडण्यात आले. खंडारे यांनी एका शिक्षकाला लाच मागितल्याचा आरोप आहे.
मिळालेल्या प्राथमिक माहितीनुसार, लोकेश खंडारे यांनी जि. प. शाळा राजोली फाल येथील माजी शिक्षक मिलिंद चांदेकर यांचेकडून लाच घेतली. या शिक्षकाने याबाबत लाचलुचपत विभागाकडे तक्रार केली. तक्रारीच्या आधारे विभागाने खंडारे यांच्या कार्यालयात छापेमारी केली. निलंबीत शिक्षक मिलिंद चांदेकर यांचे निलंबन काळातील रजा मंजूर प्रकरणात 8 हजार लाच घेतांना ही कारवाई करण्यात आली.
यावेळी शिक्षकांकडून लाच घेत असताना खंडारे यांना रंगेहाथ पकडण्यात आले. खंडारे यांना ताब्यात घेऊन त्यांच्यावर गुन्हा दाखल करण्यात आला आहे. या कारवाईमुळे सावली पंचायत समितीच्या शिक्षण विभागात खळबळ उडाली आहे. लाचलुचपत विभागाच्या या कारवाईमुळे भ्रष्टाचारविरोधात एक मोठा संदेश मिळाला आहे.
.jpeg)
