लोह खनिज वाहतूक करणाऱ्या ट्रक मुळे आष्टी आलापल्ली मार्गावरील वाहतूक वारंवार बंद होत असून याचा फटका सर्वसामान्य नागरीकांना बसत आहे.
9 जुलै रोजी आष्टी आलापल्ली मार्गांवर लोहखनिज वाहतूक करणाऱ्या वाहनांमुळे रस्ता वाहतुकीसाठी पूर्ण बंद झाला यामुळे या मार्गावरील एस टी व इतर प्रवासी वाहने बंद होती. आता पावसाळ्यात ही समस्या रोजचीच झाली असून शाळेत जाणाऱ्या विद्यार्थ्यावर शाळा सोडण्याची वेळ आली आहे.यामुळे येथील विद्याथ्यांचे शैक्षणिक नुकसान होत आहे.इतला तरूण शिकला नाही तर कंपनी रोजगार कसा देणार? तसेच रुग्णांना वेळेवर दवाखान्यात उपचाराकरीता नेणे कठीण झाले आहे. याकाळात जर कोणाची जिवीत हाणी झाली तर जवाबदार कोण? ही एवढी मोठी बिकट समस्या असताना मात्र इथले लोकप्रतिनिधी आणि प्रशासन माञ सातत्याने दुर्लक्ष करत असून कंपनीच्या हिताची बाजू घेत आहे. या मार्गावरील नागरिकांनी अनेकदा आंदोलने केली मात्र त्यातून काहीही हाती लागले नाही. यातून पर्याय काढून ही समस्या जर सोडविली नाही तर सर्वसामान्य नागरिकांचे आयुष्य हवालदिल होणार आहे. यासाठी मोठे जनआंदोलन केल्याशिवाय नागरिकांची यातून सुटका होणार नाही असे दिसते. या मार्गावरील रस्त्यावर या लोहखनिज वाहतूक कोंडी मुळे इतर प्रवासी वाहने यांना अप्रत्यक्ष बंदीच असल्याचे दिसून येत आहे तसेच रस्त्यावर दोन्ही बाजूने या वाहनाचीच रांग दिसून येत आहे त्यामुळे या भागातील नागरीक हवालदिल झाले आहे.शासन आपल्या दारी या कार्यक्रमात राज्याच्या मुख्यमंत्र्यांनी सांगितले की, "लोहप्रकल्पामुळे येथील नागरिकांचे जीवनमान उंचावले व परिसराची प्रगती होईल". जर अशी प्रगती असेल तर इथल्या नागरिकांना नको प्रगती व विकास. असे इथल्या नागरिकांची आर्तहाक आहे.
.jpg)
