कारंजा [लाड] : स्वतंत्रता अमृत महोत्सवाच्या निमित्ताने मागील १४ ऑगस्ट रोजी, कारंजा मानोरा विधानसभा मतदार संघाचे विकासपुरुष असलेले आमदार राजेंद्रजी पाटणी यांनी नगर परिषदेला भेट देऊन, कारंजा शहराच्या विकासाचा प्रस्ताव तयार करा . तुम्हाला १०० कोटी विकास निधी देतो असे आश्वासन, प्रथम श्रेणी मुख्याधिकारी दादारावजी डोलारकर यांना दिले होते. तेव्हा मुख्याधिकारी यांनी कारंजा शहराला खड्डेमुक्त रस्त्याचे शहर करण्याकरीता प्रस्ताव तयार करणे गरजेचे आहे. व बाप्पाच्या विसर्जन मिरवणुकीपूर्वी, बाप्पाच्या विसर्जन मार्गावरील प्रत्येक रस्त्याचे डांबरीकरण करून घेणे अत्यावश्यक आहे. तसेच कृपा करून थातुर मातुर मुरूम टाकून रस्त्यातील खड्डे भरती करू नये. त्या ऐवजी डांबरीकरण व सिमेंट क्रांकिट द्वारे रस्त्याची दुरुस्ती व्हावी अशी कारंजेकर नागरिकांची रास्त अपेक्षा आहे. अशी मागणी कारंजा येथील महाराष्ट्र शासन पुरस्कार प्राप्त ज्येष्ठ समाजसेवक तथा पत्रकार संजय कडोळे यांनी व्यक्त केली आहे.
.jpeg)
.jpeg)
