राजुरा : यातील फिर्यादी मृणाल राजेंद्र डोहे (२८) रा. सोमनाथपुरा वार्ड राजुरा यांनी पोलीस स्टेशन राजुरा येथे रिपोर्ट दिला की, २३ जुलै ०२३ चे २०:३० वाजता सुमारास यातील जखमी लल्ली उर्फ बलदेवसिंग शेरगील (२७) रा. सोमनाथपुरा वार्ड राजुरा याला मारण्यासाठी आलेल्या गुन्हेगारांनी त्याच्यावर गावठी पिस्टलने गोळीबार केला असता सदर गोळीबारात फिर्यादीची वहीणी पुर्वशा सचिन डोहे (२५) हिला छातीत गोळी लागुन तिचा मृत्यु झाला आणि जखमी लल्ली उर्फ बलदेवसिंग शेरगील यांच्या पाठीत गोळी लागून तो जखमी झाला. यावरुन पोलीस स्टेशन राजुरा येथे अपराध क्रमांक ४०४ / २०२३ कलम ३०२, ३०७, ३४ भादंवि सहकलम ३, २५ भारतीय हत्यार कायदा अन्वये गुन्हा नोंदविण्यात आला आहे.सदर प्रकरणाचे प्राथमिक तपासात असे दिसुन येते की, सन २०२२ मध्ये आरोपी लबज्योतसिंग हरदेवसिंग देवल (२०) रा. सोमनाथपुरा वार्ड राजुरा यांच्या विरुद्ध पोलीस स्टेशन राजुरा येथे भारतीय हत्यार कायदा नुसार गुन्हा नोंद असुन सदर गुन्हयाची खबर ही जखमी लल्ली उर्फ बलदेवसिंग शेरगील यांनी दिला असा आरोपीचा रोष होता, तसेच आरोपींच्या भावास दोन वर्षापूर्वी लल्ली उर्फ बलदेवसिंग शेरगील याने मारहाण केली होती. या जुन्या वैमनस्यावरुन आरोपी लबज्योतसिंग देव आणि त्याचा साथीदार विधीसंघर्ष (१७ वर्षीय अल्पवयीन) बालक याने संगनमत करुन लल्ली उर्फ बलदेवसिंग शेरगील यांचा पाठलाग करुन तो त्याचा मित्र सचिन डोहे यांचे घरी काही कामानिमित्त आलेला असतांना आरोपीतांनी त्याचेवर गोळीबार केला त्याच दरम्यान यातील मृतक पूर्वशा सचिन डोहे ही घरा बाहेर आली असता छातीत गोळी लागून तिचा मृत्यु झाला. आरोपीताने एकुन ४ राऊंड फायर केले असता त्यापैकी एक गोळी जखमीस आणि एक मृतक हिला लागुन दोन राऊंड मिस झाल्याचे दिसुन येत आहे.
सदर गुन्हयातील आरोपी घेवुन लबज्योतसिंग देवल आणि त्याचा साथीदार विधीसंघर्ष (१७ वर्षीय अल्पवयीन) बालक हे घटना करुन फरार झाले असतांना पोलीसांनी त्यांचा शोध घेवून दोघांना ताब्यात घेण्यात आले असुन त्यांचे कडुन गुन्हयात वापरलेले हत्यार गावठी बनावटी पिस्टल व ३ काडतुस जप्त करण्यात आले आहे.
