चंद्रपूर : हातउसने घेतलेले पैसे परत करण्यास विलंब केल्याने झालेल्या भांडणातून 19 वर्षीय मित्रांनेच तंटामुक्त समिती अध्यक्ष असलेल्या एका 30 वर्षीय मित्राचा दगड आणि स्टिल रॉडने जबर मारहाण करून निर्घूण हत्याची केल्याची कबुली दिली आहे. एका आरोपीसह एका विधी संघर्ष बालकास पोलिसांनी संशयीत म्हणून ताब्यात घेतले होते. त्यानंतर केलेल्या चौकशीत त्यांनी खून केल्याचे मान्य केले. ही घटना चंदपूर जिल्ह्यातील शेगाव बुज. येथे घडली आहे. महेश बबनराव घोडमारे असे मृताचे नाव आहे. तर आरोपी मध्ये स्वप्नील चौधरी (वय 19) व एका विधी संघर्ष बालकाचा समावेश आहे.
पोलिसांनी दिलेल्या माहितीनुसार, वरोरा तालुक्यातील शेगाव (बुज.) येथे महेश बबनराव घोडमारे हे तंटामुक्त समितीचे अध्यक्ष म्हणून कार्यरत होते. ग्रामस्तरावर होणारे किरकोळ तंटेभांडण मार्गी लावण्याचे काम त्यांच्याकडून सुरू होते. सोबतच सामाजिक कार्य म्हणून नागरिकांचे विविध कामे ते करून द्यायचे, त्यामुळे ते सर्वपरिचित होते. मागील तीन चार दिवसांपासून महेश घोडमारे हे काही कामानिमित्य बाहेर गावी गेले होते. ते घरी न परतल्याने कुटुंबीयांनी त्याची शोधाशोध केली परंतु त्यांचा ठावठिकाणा लागला नाही. त्यामुळे शुक्रवारी (22 एप्रिल) ला शेगाव पोलिस ठाण्यात भाऊ नितीन चौधरी तक्रार दाखल. सदर तक्रारीच्या आधारे पोलिसांनी तपासला सुरूवात केली.
कुटूंबीयांची शोधाशोध सुरू असताना शनिवारी मृतक महेश घोडमारेचा भाऊ नितीन याला तो मित्राच्याच मोटारसायकलने वरोरा येथे गेल्याची माहिती मिळाली. लगेच मेसा मार्गावरील जंगलात मोटारसायकल असल्याचे काही प्रत्यक्षदर्शीनी सांगितल्याने त्यांनी पोलिसांना माहिती दिली. मृतकाच्या भावाने थेट मेसाच्या जंगलात जावून शहानीशा केली असता चप्पल पडलेली, रक्ताचा सळा, तसेच रक्ताने माखलेली स्टील रॉड तसेच एका झुडपाआड रक्ताच्या थारोळ्यात मृतदेह आढळून आला. या घटनेची माहिती पोलिसांना देण्यात आली. ठाणेदार अविनाश मेश्राम आपल्या ताफ्यासह घटनास्थळी दाखल झाले. घटनास्थळावर आढळून आलेला मृतदेहावरून त्याची हत्या केल्याचा अंदाज पोलिसांनी वर्तविला होता. त्यानंतर मृतक हा शेगाव बुज. येथून स्वप्नील चौधरी व एका विधी संघर्ष बालकासह महेश हा घरून वरोरा येथे जाण्यासाठी मोटारसायकलने गेला होता. परंतु तो तेथे पोहचला नव्हता. पोलिसांनी हाती लागलेल्या माहितीच्या आधारे काल शनिवारी स्वप्नील चौधरी ह्या मित्रासह एका विधी संघर्ष बालकास संशयीत म्हणून ताब्यात घेतले. त्यांनतर केलेल्या तपासात आरोपींनी गुन्ह्याची कबूली दिली.
मृतक महेश घोडमारे व स्वप्नील चौधरी हे दोघे मित्र होते. एकमेकांना आर्थीक मदत करीत होते. महिनाभरापूर्वी मृतकाने 3 हजार रूपये हातउसने घेतले होते. परंतु परत करण्यास काही कारणाने विलंब झाला होता. त्यामुळे दोघांमध्ये पैशाच्या कारणावरून कडाक्याने भांडण झाले. त्यापैकी काही पैसे परत केले होते. काही पैसे देणे बाकी होते. दोघामध्ये झालेल्या भांडणाचा वचपा काढण्यासाठी आरोपीने दोन दिवसापूर्वी वरोरा येथे जाण्याच्या बहाण्याने मृतकाला घेऊन गेला होता. सोबत विधी संघर्ष बालक मित्रही होता. मेसा मार्गावरील जंगलात त्याला नेऊन दगड आणि स्टिल रॉडने जबर मारहाण करून त्याची हत्या केली. त्यानंतर आरोपी घरी परतले तर वरोरा येथे जाण्यासाठी निघालेला महेश मात्र घरी परतला नाही. पोलिसांच्या शोधमोहिमेत थेट त्यांचा मृतदेहच घरी आणण्यात आला. संशयीत म्हणून ताब्यात घेतलेल्या आरोपीने हातउसने पैशाच्या कारणावरून झालेल्या भांडणाचा वचपा काढण्यासाठी हत्या केल्याची कबुली दिल्याने महेश घोडमारेच्या हत्येचे गुढ उकलण्यात पोलिसांना यश आले.
.jpeg)
