वाशिम : जिल्ह्यातील सर्व मान्यताप्राप्त तंत्र शिक्षण, व्यवसाय शिक्षण अभ्यासक्रमात प्रवेशीत शैक्षणिक संस्थामध्ये शिक्षण घेत असलेल्या धनगर समाजाच्या विद्यार्थ्यांना सन २०२४-२५ या
शैक्षणिक वर्षापासुन इयत्ता १२ वी नंतरच्या मान्यता प्राप्त तंत्रशिक्षण तसेच व्यवसाय शिक्षण अभ्यासक्रमांच्या महाविद्यालयामध्ये केंद्रिभुत प्रवेश प्रक्रियेद्वारे प्रवेश घेतलेल्या पंरतु शासकीय वसतिगृहामध्ये प्रवेश न मिळालेल्या धनगर समाजातील विद्यार्थ्यांना पंडित दीनदयाल उपाध्याय स्वयंम योजनेअंतर्गत भोजन, निवास व इतर
शैक्षणिक साहित्य उपलब्ध करुन घेण्यासाठी विद्यार्थ्यांच्या आधार संलग्न बँक खात्यामध्ये थेट रक्कम वितरण करण्यास मान्यता देण्यात आली असुन लाभार्थी निवडीचे प्रमुख निकष ठरविण्यात आले आहेत. विद्यार्थी धनगर समाजातील असावा.इयत्ता १२ ती मध्ये किमान ६०% गुण मिळालेले विद्यार्थी या योजनेस पात्र राहतील. योजनेअंतर्गत लाभ घेणेसाठी संबंधित विद्यार्थ्यांने इयत्ता १२ वी नंतर मान्यताप्राप्त तंत्र शिक्षण तसेच व्यवसाय शिक्षण अभ्यासक्रमांच्या महाविद्यालमध्ये केंद्रिभुत प्रवेश प्रकियेव्दारे प्रवेश घेतलेला असावा.
विद्यार्थ्यांने अर्जासोबत जात वैधता प्रमाणपत्र सादर करणे बंधनकारक राहील.विद्यार्थ्यांच्या पालकाचे उत्पन्न रु २.५० लाख पेक्षा जास्त नसावे. विद्यार्थ्यांने प्रवेश घेतलेली शैक्षणिक संस्था ज्या शहराच्या ठिकाणी आहे. अशा शहरातील सदर विद्यार्थी रहिवाशी नसावा.
विद्यार्थी हा वाशिम शहरातील महाविद्यालयामध्ये शिक्षण घेणारा असावा.
एका विद्यार्थ्यांस जास्तीत जास्त ५ वर्ष सदर योजनेचा लाभ घेता येईल परंतु इंजीनिअरींग/वैद्यकिय अभ्यास
क्रमांसाठी सदर योजनेचा लाभ जास्तीत जास्त ६ वर्ष राहील. सदर योजनेचा लाभ घेण्यासाठी विद्यार्थ्यांचे कमाल वय ३० वर्षापेक्षा अधिक नसावे.अभ्यास क्रमांच्या मध्यावधी प्रवेश घेतलेला विद्यार्थी योजनेंतर्गत लाभास पात्र असेल.शिक्षणात खंड पडलेला विद्यार्थी लाभास पात्र असेल तथापि, सदर विद्यार्थी योजनेतर्गत निश्चित केलेल्या
वयोमर्यादेपेक्षा अधिक वयाचा नसावा.निवड करण्यात आलेला विद्यार्थी संबंधित अभ्यासक्रम पुर्ण होईपर्यंत लाभास पात्र राहील मात्र विद्यार्थ्यांस प्रत्येकवर्षी त्या-त्या अभ्यासक्रमाच्या परीक्षेत उत्तीर्ण होणे अनिवार्य राहील.धनगर समाजातील अपंग विद्यार्थ्यांना सदर योजनेचा लाभ प्राथम्याने देय राहील. या योजनेचा लाभ घेण्यासाठी संबंधित विद्यार्थ्यास ऑफलाईन पध्दतीने सहाय्यक संचालक,इतर मागास
बहुजन कल्याण, वाशिम यांचेकडे अर्ज करणे अनिवार्य राहील. तरी सदर योजनेकरीता तात्काळ अर्ज सादर करण्यात यावे असे आवाहन इतर मागास बहुजन कल्याण विभागाच्या सहाय्यक संचालक दीपा हेरोळे यांनी केले आहे.
आपल्या प्रतिक्रिया द्या....
.jpg)
