कारंजा : विदर्भात परत एकदा दिनांक २५ ते २७ फेब्रुवारी 2024 दरम्यान वादळी पावसाची शक्यता वर्तविण्यात आली आहे.
रविवार, २५ फेब्रुवारी रोजी दुपारनंतर गडचिरोली,चंद्रपूर,भंडारा गोंदिया,यवतमाळ जिल्ह्यांतील काही भागांमध्ये वादळाची शक्यता असल्याचे हवामान तज्ञ गोपाल गावंडे यांचे अनुमान असून मुख्यत: सोमवार दि. २६ फेब्रुवारी रोजी दुपारनंतर हवामानातील बदल अपेक्षित आहे.या जिल्ह्यांसह भंडारा नागपूर, वर्धा, यवतमाळ, नांदेड आणि अमरावती जिल्ह्याच्या पूर्व भागातही वादळी पावसाची शक्यता वर्तविण्यात आली आहे. या भागांत गारपीट आणि विजांच्या कडकडाटाचीही शक्यता आहे. असा अंदाज हवामान तज्ज्ञांनी व्यक्त केला आहे.त्यामुळे ग्रामस्थ आणि शेतकऱ्यांनी आपल्या शेतमालाची पुरेशी काळजी घ्यावी, शेतात किंवा झाडाखाली थांबू नये. गुराख्यांनी आपली गुरे व मेंढपाळांनी शेळ्यामेंढ्या झाडाखाली थांबवू नये.असा सतर्कतेचा इशाराही त्यांनी दिला आहे.
.jpeg)