कारंजा येथे लोकमान्य व्यायाम शाळेच्या शतक महोत्सवपूर्ती निमित्त व आर्ट ऑफ लिविंग चे प्रणेते श्री रविशंकरजी यांच्या जन्मदिनानिमित्त येथील स्टेट बँक च्या आवारात रक्तदान शिबिर आयोजित करण्यात आले होते. या शिबिरामध्ये येथील सीमा सुरक्षादलात (BSF) कार्यरत असलेले कारंजापुत्र अतुल कुर्हेकर हे सुटीवर गावाकडे आले होते.मात्र भारत पाक सीमेवर गेल्या चार दिवसापासून भारताने केलेल्या "ऑपरेशन सिंदूर" मुळे जी तणावाची परिस्थिती निर्माण झाली आहे त्यामुळे त्यांची सुट्टी रद्द होऊन त्यांना तातडीने गुजरात मधील भूज या सीमावर्ती भागात रुजू होण्याचा आदेश असल्याने ते तातडीने जाणार आहेत, मात्र सेवेवर निघण्यापूर्वी त्यांनी आज रक्तदान करून नवीन आदर्श निर्माण केला आहे.त्यांच्या या दातृत्व भावनेने उपस्थितांमध्ये कुतूहल मिश्रित सामाजिक जाणीवेचा भाव निर्माण झाला. यावेळी आमदार सईताई डहाके यांचे हस्ते त्यांचा सत्कार करण्यात आला.