वाशिम : (जिल्हा प्रतिनिधी संजय कडोळे) जिल्हा संवेदनशील असून नजीकच्या काळात सामाज माध्यमांद्वारे आक्षेपार्ह संदेश प्रसारीत झाल्याने वेगवेगळया कारणांवरुन जातीय तणाव निर्माण होऊन कायदा व सुव्यवस्थेचा प्रश्न निर्माण झाला होता.
आगामी अधिक श्रावण (पुरुषोत्तम मास ),श्रावण मास,व मोहरम सण-उत्सव काळात एखाद्या व्यक्तीकडून समाज माध्यमांद्वारे ( मोबाईल व्हॉटसप एप ग्रुपवर आक्षेपार्ह संदेश,व्हिडीओ प्रसारीत झाल्यास हिंसक घटना घडून कायदा व सुव्यस्थेचा प्रश्न निर्माण होण्याची शक्यता नाकारता येत नाही. सामाजिक माध्यमाद्वारे आक्षेपार्ह संदेश,पोस्ट,व्हिडीओ प्रसारीत करणे हे कृत्य भारतीय दंड संहिताच्या विविध कलमानुसार दंडनिय अपराध आहे.
जिल्हयात अनुचित प्रकार घडू नये.तसेच समाज माध्यमाद्वारे आक्षेपार्ह संदेश,पोस्ट,व्हिडीओ प्रसारीत होण्यास अटकाव निर्माण व्हावा. व संबधितांवर कठोर कार्यवाही व्हावी.याकरीता आजपासून येत्या 23 जूलैपर्यंत जिल्हादंडाधिकारी षन्मुगराजन एस.यांनी प्रतिबंधात्मक आदेश लागू केले आहे.
