अकोला :-लोकसभा निवडणुकीच्या दुसऱ्या टप्प्यात सोमवारी तीन वाजेपर्यंतची मुदत संपत असताना भाजपचे बंडखोर माजी आमदार नारायण गव्हाणकर यांनी अखेर आपला उमेदवारी अर्ज मागे घेतला आहे. भाजपकडून त्याची मनधरणी करण्यात येत होती. अखेर त्याला यश आले आहे उपमुख्यमंत्री देवेंद्र फडणवीस यांनीही गव्हाणकर यांना कॉल करून अर्ज मागे घेण्यासाठी प्रयत्न केल्याची माहिती आहे. त्यामुळे भाजपच्या उमेदवाराला मोठा दिलासा मिळाला आहे. अकोल्यात सतरा उमेदवारांचे अर्ज पात्र ठरले होते यात महायुती व महाविकास आघाडीतील नाराज यांचेही अर्ज उमेदवारी अर्ज होते अकोल्यात भाजपाचे बंडखोर उमेदवार माजी आमदार नारायण गव्हाणकर यांची मनधरणी करण्याचे प्रयत्न सुरू होते त्यांना उपमुख्यमंत्री देवेंद्र फडणवीस यांनी मोबाईल हून संपर्क साधून त्यांची समजूत काढण्याचा प्रयत्न केला. त्यामुळे अखेर गव्हाणकर यांनी आपला उमेदवारी अर्ज मागे घेतला आहे. त्यामुळे भाजपाला दिलासा मिळाला आहे. अकोल्यात आता तिरंगी लढतीचे चित्र स्पष्ट झाले आहेत.
धोत्रे पाटील आंबेडकर मैदानात नारायण गव्हाणकर यांनी उमेदवारी अर्ज मागे घेतल्यामुळे अकोला लोकसभा मतदारसंघात आता तिरंगी लढत होणार आहे. भाजपचे अनुप धोत्रे काँग्रेसचे डॉक्टर अभय पाटील आणि वंचित बहुजन आघाडीचे प्रकाश आंबेडकर निवडणूक रिंगणात कायम आहेत. त्यामुळे आता अकोला लोकसभा मतदारसंघाची निवडणूक ही चुरस पूर्ण होणार आहे. काँग्रेसचे अभय पाटील आणि वंचित बहुजन आघाडीचे प्रकाश आंबेडकर हे निवडणुकीच्या मैदानात कायम असल्याने त्याचा फायदा भाजपाला मिळणार आहे. याशिवाय भाजपचे बंडखोर नेते माजी आमदार नारायण गव्हाणकर यांनी आपला उमेदवारी अर्ज मागे घेतल्याने त्याचा लाभ ही भाजपाला होणार आहे .
