राज्यात खळबळ उडवून देणारी घटना बुलढाण्यात घडली आहे. येथील राजूर घाटात एका 35 वर्षीय महिलेवर सामूहिक बलात्कार करण्यात आला आहे. आठ जणांनी या महिलेवर आळीपाळीने सामूहिक बलात्कार केला.यामुळे आता पोलीस चौकशी सुरू आहे.
या महिलेला चाकूचा धाक दाखवून तिच्यावर अत्याचार करण्यात आला. तिच्याकडील 45 हजार रुपयेही लुटून आरोपी फरार झाले आहेत. पीडित महिला आणि पुरुष दोघेही खडकी या त्यांच्या गावी जात असताना हा धक्कादायक प्रकार घडला.
दरम्यान, या घाटात सेल्फी घेण्यासाठी ते दोघे थांबले होते. यानंतर ही घटना घडली आहे. पीडित महिला आणि पुरुष दोघेही खडकी गावी जात होते.
त्यावेळी राजूर घाटातील देवीच्या मंदिराजवळ सेल्फी काढण्यासाठी थांबले होते. त्याचवेळी आठ जणांनी त्यांना घेरले. त्यांनी या दोघांना प्रचंड मारहाण केली. तसेच महिलेला दरीत नेले आणि तिच्यावर बलात्कार केला.
यामुळे महिला सुरक्षेचा प्रश्न उपस्थित केला जात आहे. याबाबत बोराखेडी पोलिसांत आठ आरोपींविरुद्ध गुन्हा दाखल करण्यात आला आहे. पोलीस आरोपींचा शोध घेत आहेत.
दुपारच्या सुमारास हा प्रकार घडला आहे. त्या ठिकाणी आलेल्या आठ जणांनी महिलेसोबत असलेल्या तरुणाला चाकूचा धाक दाखवून त्याच्याकडील रोख रक्कम लुटून घेतली.
दरम्यान, गुन्हा दाखल करण्यासाठी आमदार संजय गायकवाड यांनी तब्बल तीन तास पोलीस ठाण्यात ठिय्या दिला. त्यानंतर गुन्हा दाखल करण्यात आला आहे. यामुळे संताप व्यक्त केला जात आहे.
बलात्कार केल्यानंतर हे आरोपी फरार होत असताना तक्रारकर्त्याने त्यांचा पाठलाग केला असता हे आरोपी मोहेगाव येथे गेले. मोहेगावच्या लोकांनी त्यातील एक आरोपी राहुल राठोड नावाचा असल्याची माहिती तक्रारकर्त्याला दिली आहे. यामुळे तपास सुरू आहे.
.jpeg)