वाशिम (जिल्हा प्रतिनिधी संजय कडोळे) जिल्हा जातीय व राजकीयदृष्टया संवेदनशील आहे.सामाजिक माध्यमाव्दारे आक्षेपार्ह संदेश प्रसारीत झाल्याने जिल्ह्यात काही ठिकाणी वेगवेगळया कारणावरुन जातीय तणाव निर्माण होऊन कायदा व सुव्यवस्थेचा प्रश्न निर्माण झाला होता.आगामी सण-उत्सव काळात एखाद्या व्यक्तीकडून समाज माध्यमात आक्षेपार्ह संदेश/ व्हिडीओ प्रसारीत झाल्यास जातीय सलोखा आणि कायदा व सुव्यवस्था बाधीत होऊ नये व जिल्हयात शांतता अबाधित राहावी, यासाठी 22 ऑगस्टपर्यंत फौजदारी प्रक्रीया संहिता १९७३ चे कलम १४४ चे प्रतिबंधात्मक आदेश जिल्हादंडाधिकारी बुवनेश्वरी एस. यांनी लागू केले आहे. या आदेशाचे पालन न करणाऱ्या व्यक्तींविरुध्द कारवाई करण्यात येईल.असे आदेशात नमुद केले आहे.
