कारंजा (लाड) : प्रशिक ग्रामिण सहकारी पतसंस्थेने,प्रामाणिक होतकरू,विश्वासू,कार्यतत्पर, मेहनती आणि निःस्वार्थी पदाधिकारी,संचालकाच्या आणि मुख्य म्हणजे दररोज जिद्द व चिकाटीने १४ ते १५-१५ तास काम करून,वेळेचा सदुपयोग करणाऱ्या,कार्यतत्पर महिला व्यवस्थापिका सौ.आशाताई कृष्णराव राऊत यांच्या अथक प्रयत्नामुळे, 'शुन्यातून विश्व निर्माण' करून, नुकतीच दि. १४ एप्रिल २०२५ रोजी आकाशाला गवसनी घालून 'महामानव डॉ. बाबासाहेब आंबेडकर' यांना वंदना केली आहे.त्याबद्दल प्रशिक ग्रामिण सहकारी पतसंस्थेची दखल जागतीक पातळीवर घेतल्या जावून, प्रशिक पतसंस्थेचा नावलौकीक जगभरात झाल्याचे निर्विवाद सत्य आहे. विकासामध्ये, कारंजा शहरातील जवळ जवळ सर्वच पतसंस्थाना व काही बँकांना मागे टाकून या पतसंस्थेने संपूर्ण तालुक्यात आपले कार्यक्षेत्र वाढवले आहे. व्यवस्थापिका सौ. आशाताई कृष्णराव राऊत यांच्या कुशल नेतृत्वाने आणि त्यांच्या सुयोग्य नियोजनाने त्यांनी आपल्या एका छोट्याशा संस्थेच्या भागभांडवलदार सभासदांची संख्या वाढवून, पतसंस्थेला भरभरून नफा मिळवून देण्याचा ,भागभांडवलदारांचा आणि प्रत्येक ग्राहकांचा आणि त्यांच्या कुटुंबांचा आर्थिक विकास करण्यावर भर दिलेला आहे.संकटात व अडीअडचणीत असणाऱ्या प्रत्येक ग्राहकांना त्यांनी पतसंस्थेकडून कर्जपुरवठा व विमा संरक्षण देवून त्यांचा विकास साधला आहे.त्यांच्या यथायोग्य सहकार्याने कित्येक शेतकरी ग्रामस्थांची अडली नडली कामे मार्गी लागून त्यांनी त्यांचा विश्वास प्राप्त केला आहे. त्यांच्यामुळे अनेक ग्राहकांना स्वतःचा लघुव्यवसाय करण्याची, रोजगार मिळविण्याची व आपला आणि आपल्या कुटुंबियांच्या उदरनिर्वाहाची सोय सुद्धा झाली आहे. त्यामुळे सध्या लागलेल्या प्रशिक ग्रामिण सहकारी पतसंस्थेच्या पार्श्वभूमिवर त्यांच्या ग्राहकांमध्ये आणि कारंजा शहरामध्ये सकारात्मक चर्चा असून, 'कार्यतत्पर व यशस्वी कर्तबगार' नेतृत्वानेच संस्थेचा विकास साध्य करावा लागतो. विकासासाठी एखाद्यावेळी,वेळ प्रसंगी कठोरपणानेही वागावे लागते.परंतु सदैव सहकार्याची भूमिका वठविणारे पदाधिकारी, व्यवस्थापक हे ग्राहकांच्या हृदयात प्रेमाचे स्थान करून राहतात.हेही तेवढचं खरं असते. त्यामुळे आज प्रशिक पतसंस्थेच्या निवडणूकीच्या पर्वावर संपूर्ण कारंजा शहरातील प्रशिकचे सभासद,ग्राहक,मतदारांचा पतसंस्थेच्या संचालकावर व विकास पॅनलवर १००% विश्वास असून,पतसंस्थेला विकासाकडे नेणाऱ्या सभासदांचीच निवड व्हायला हवी.विरोधकांनी कितीही अपप्रचार करण्याचा प्रयत्न केला.मतदारांना भडकवीले तरी सुद्धा अशा दुटप्पी व चुकीच्या अपप्रचाराला बळी पडायचे नाही. त्यांच्या फसवणूकी मध्ये यायचे नाही असा पवित्रा संस्थेचे भागभांडवलदार, ग्राहक घेतांना दिसत आहेत.या निवडणुकी संदर्भात आम्ही काही ग्राहक मतदारांचे मत जाणून घेतले असता त्यांनी तर स्पष्टच सांगितले की, "प्रशिक पतसंस्था आम्हाला संकटकाळी किंवा अडल्या नडल्यावर मागीतले त्यावेळी कर्ज देते.दिलेल्या कर्जावर कोणतीही बँक व्याज आकारते.किंवा वसुलीचा तगादाही लावते तर त्यात गैर (चुकीचे) काय ? परंतु या पतसंस्थेमुळे आमचा व आमच्या कुटुंबाचा विकास होत आहे.हे निर्विवाद सत्य आणि संस्थेचे उपकार आम्ही विसरू शकत नाही.त्यामुळे विकासासाठी आमचे मतदान आम्ही विकास पॅनललाच करणार." असे त्यांनी ठासून सांगीतले.त्यामुळे सद्यस्थितीत पतसंस्थेचे संचालक आणि विकास पॅनलचे उमेद्वार यांच्या विषयी संपूर्ण कारंजा शहर व तालुक्यातील सभासद, भागभांडवलदार,ग्राहक हे जागरूक असून,सुशिक्षित व सुज्ञ असल्याचे स्पष्ट होत असल्याने ते सर्वोतोपरी विचार विनिमय करूनच केवळ आणि केवळ 'विकास पॅनललाच' मतदान करणार असल्याचे स्पष्ट झाले आहे. येत्या दि.०७ सप्टेंबर २०२५ रोजी प्रशिक ग्रामिण सहकारी पतसंस्थेच्या संचालक मंडळाच्या निवडणूकीसाठी, लोकशाही मार्गाने,प्रत्यक्ष मतदान होणार असून निवडणुकीमध्ये, विकासाच्या दृष्टीने सक्षम व विश्वासू असणारे उमेद्वार मैदानात आहेत. १) अनुसूचित जाती प्रवर्गातून ॲड. रवी काशीनाथ रामटेके, महिला राखीव सभासदासाठी सौ. सुनिता दिपक उके, तर दुसऱ्या महिला सभासदासाठी अनघा आनंद उकर्डे, इतर मागासवर्गीय प्रवर्गातून प्रशांत नारायण काळे, वियुक्त जाती/भटक्या जमाती प्रवर्गा मधून मेघन मधुकर जुमळे, जमाती प्रवर्गातून कृष्णा विठ्ठलराव राऊत,पांडूरंग मोतिराम भगत ; व आकाश भाष्कर कऱ्हे, तर सर्वसाधारण प्रवर्गातून आशिष माणिकलाल बंड, गुलाबराव चंपतराव साटोटे आणि ओंकार श्रीराम पाढेण असे विश्वासू व सुस्वभावी उमेद्वार मैदानात असून कारंजेकर जनता जनार्दनामध्ये मिळून मिसळून सहकार्याने वागणारे आहेत.त्यामुळे लवकरच होणाऱ्या निवडणुकीमध्ये त्यांचा विजय सुनिश्चित मानला जात आहे.
