अकोला:- महाराष्ट्र राज्य मार्ग परिवहन एसटी महामंडळात लवकरच 17 हजार 450 चालक आणि सहाय्यकांची कंत्राटी भरती करण्यात येणार आहे. भविष्यात येणाऱ्या 8000 नवीन बससाठी मनुष्यबळाची अत्यंत आवश्यकता असल्याने ही भरती करण्यात येणार आहे. येत्या 2 ऑक्टोबरला त्याची निवेदा प्रक्रिया सुरू होईल भरती झालेल्यांना त्यांना 30000 रुपये इतके किमान वेतन मिळेल अशी माहिती परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिली. एसटी महामंडळाच्या संचालक महामंडळाची बैठक नुकतीच पार पडली. यावेळेस बससेवा सुरळीत ठेवण्यासंदर्भात आवश्यक असलेले चालक व सहाय्यक मनुष्यबळ भाडेतत्त्वावर कंत्राटी पद्धतीने तीन वर्ष कालावधीसाठी घेण्याकरिता ही निवेदा प्रक्रिया राबवण्याचा निर्णय या बैठकीत घेण्यात आला आहे कर्मचाऱ्यांना मिळणार 30,000 किमान वेतन ही प्रक्रिया सहा प्रादेशिक विभागनिहाय राबवण्यात येणार आहे ती पूर्ण झाल्यानंतर मनुष्यबळ पुरवणाऱ्या संस्थाकडून राज्य परिवहन मंडळाला आवश्यक मनुष्यबळ वेळेत उपलब्ध होईल या कर्मचाऱ्यांना 30000 इतके किमान वेतन देण्यात येणार असून त्यांना एसटी कडून प्रशिक्षणही देण्यात येणार आहे. बसेसची वाढती संख्या व त्यासाठी हवे असणारे मनुष्यबळ मिळाल्यानंतर प्रवाशांना अखंडित सुरक्षित व दर्जेदार बस सेवा पुरवणे शक्य होईल, असा विश्वास मंत्री प्रताप सरनाईक यांनी व्यक्त केला आहे.
.jpeg)
.jpeg)
