ब्रम्हपुरी:- जाती धर्माच्या नावाने राजकारण करणाऱ्यांचा कम्युनिस्ट पक्षाच्या कार्यकर्त्यांनी कसून विरोध करावा व त्यासाठी आपली पक्ष संघटना मजबूत करावी असे आवाहन भारतीय कम्युनिस्ट पक्षाचे राज्य कार्यकारणी सदस्य कॉ. डॉ महेश कोपुलवार यांनी येथे केले.
भारतीय कम्युनिस्ट पक्षाचे ब्रम्हपुरी तालुका अधिवेशन शासकीय विश्राम गृह येथे आयोजित करण्यात आले होते. या अधिवेशनाचे मार्गदर्शक कॉ. महेश कोपुलवार त्याप्रसंगी ते बोलत होते.
शेतकरी शेतमजूर असंघटित कामगार औद्योगिक कामगार व समाजातील सर्वच घटकांचे जीवन मरणाचे प्रश्न तीव्र झाले असून त्यांच्या मूलभूत प्रश्नाकडे लक्ष देणे ऐवजी जाती धर्माच्या नावाने सत्ताधारी व सत्ताधारी वर्ग श्रमिका मध्ये उभा करण्याचे काम करत आहेत असेही ते म्हणाले.
अधिवेशनाचे प्रस्ताविक काम्रेड जयघोष दिघोरे यांनी केले तर तालुका अधिवेशनाचे अध्यक्ष मंडळात कॉ.विनोद झोडगे पाटील, कॉ.ज्योत्स्ना ठोंबरे व कुंदा कोहपरे हे होते.
गेल्या तीन वर्षाच्या कामकाजाचा अहवाल तालुका सह सेक्रेटरी कॉम्रेड वर्षा घुमे यांनी मांडला त्यावर उपस्थित प्रतिनिधींनी चर्चा केली व शेवटी हा अहवाल मंजूर करण्यात आला.
तालुकाअधिवेशनात काही महत्त्वाचे ठराव करण्यात आले.
1) जबरान ज्योतधारकांना जमिनीचे पट्टे वाटप करा.गैर आदिवासी करिता असलेली तीन पिढीची अट रद्द करा.
2) स्वामीनाथन आयोगाच्या शिफारशी प्रमाणे शेतकऱ्यांना किमान हमीभाव द्या.
3) शेतमजुरांसाठी केंद्रीय कायदा करा मनरेगा अंतर्गत काम करणाऱ्या रोहयो मजुरांना वर्षातून दोनशे दिवस काम द्या व किमान 700 रुपये दैनिक वेतन द्या .
4 )योजना कर्मचाऱ्यांना किमान वेतन लागू करून शासकीय कर्मचाऱ्यांचा दर्जा द्या.
5)सर्व कामगार कर्मचारी संघटनांनी पुकारलेल्या 9 जुलैचा देशव्यापी भारत बंद यशस्वी करा.
6) घरकुलाची प्रलंबित प्रकरणे निकाली काढा .
7) जन सुरक्षा विधेयकाला विरोध करा.
8)जनतेला लुटणारी स्मार्ट प्रीपेड वीज मीटर लावण्यात येऊ नये व वाढविलेले विजेचे दर कमी करण्यात यावेत आदी ठराव यावेळी करण्यात आले.
आगामी तीन वर्षासाठी 19 जणांच्या तालुका कौन्सिल ची निवड करण्यात आली. या मध्ये कॉम्रेड जयघोष दिघोरे यांची भारतीय कम्युनिस्ट पक्षाच्या तालुका सचिव पदी तर सहसचिव म्हणून कॉ.वर्षा घुमे, कॉ.महेंद्र सोंडवले यांची निवड करण्यात आली.
18 डिसेंबर रोजी
भारतीय कम्युनिस्ट पक्षाचे जिल्हा अधिवेशन चंद्रपूर येथे आयोजित केले आहे यामध्ये तालुक्यातून 10 प्रतिनिधी सहभागी होणार आहेत अशी माहिती ब्रम्हपुरी विधान सभा प्रमुख कॉ.विनोद झोडगे पाटील यांनी दिली आहे.
अधिवेशन करिता तालुक्यातील 78 पक्ष सभासद उपस्थित होते.
(कॉम्रेड विनोद झोडगे पाटील )
जिल्हा सचिव मंडळ सदक्ष भारतीय कम्युनिस्ट पक्ष
आपल्या प्रतिक्रिया द्या....
