चंद्रपुरातील गडचांदुरकडून आदिलाबादकडे जाणाऱ्या ट्रकचा टायर फुटल्याने समोरून येत असलेल्या तेलंगणाच्या परिवहन विभागाच्या बसला ट्रकने धडक दिली. या अपघातात दोन्ही वाहनचालक गंभीर जखमी झाले आहेत.चंद्रपूर जिल्ह्यातील कोरपना - चंद्रपूर राष्ट्रीय महामार्गवरील कातलाबोडी फाटा येथे ही घटना घडली.
गडचांदुर येथून मालवाहू ट्रक आदिलाबादकडे जात असताना कातलाबोडी फाट्याजवळ त्याचा टायर फुटला. त्यामुळे ट्रक अनियंत्रित होऊन आदिलाबादकडून चंद्रपूरकडे येणाऱ्या तेलंगणा परिवहनच्या बसला धडकली. यात दोन्ही वाहनाच्या वाहनचालकाच्या पायाला जखम झाली आहे. त्यांच्यावर कोरपना येथील ग्रामीण रुग्णालयात प्राथमिक उपचार करून पुढील उपचारासाठी चंद्रपूर येथे पाठवण्यात आले आहे. चंद्रपूर- आदिलाबाद राष्ट्रीय महामार्गावरील वाहतूक काहीवेळ खोळंबली होती. नंतर पोलिसांनी रस्ता मोकळा करून एकेरी वाहतूक सुरू केली. घटनेचा पुढील तपास कोरपना पोलीस करत आहेत.
.jpeg)
