मुंबई/ अकोला--- पत्रकारांसोबतच समाजाचेही प्रश्न सोडवून अन्याय निवारण संघर्षासाठी महाराष्ट्रभरात व्यापक सभासद नोंदणी करून प्रभावशाली दबावगट निर्माण झाला पाहिजे.पत्रकार हक्क आणि कल्याणाच्या लढ्यात समाजाही पाठींबा मिळविण्याचा संकल्प आहे.आपल्या लेखणीने आयुष्यभर फक्त पुढाऱ्यांना मोठं करण्याचं काम करणाऱ्या पत्रकारांनाही आता राजकीय प्रवाहात उतरविण्यासाठी लोकस्वातंत्र्य पत्रकार महासंघ प्रयत्नशील राहणार आहे.या नव्या वाटचालीतूनच पत्रकारांचे प्रश्न सोडविण्यास नवे बळ मिळणार असल्याचे प्रतिपादन लोकस्वातंत्र्य पत्रकार महासंघ या समाजाभिमुख राष्ट्रीय संघटनेचे संस्थापक- राष्ट्रीय अध्यक्ष संजय एम.देशमुख यांनी मुंबई येथील विचारमंथन मेळाव्यात बोलतांना केले.यावेळी लोकस्वातंत्र्याचे राष्ट्रीय मार्गदर्शक पुष्पराज गावंडे,महाराष्ट्र संघटक
अरविंदराव देशमुख, मुंबई प्रदेश संघटक व मंत्रालयीन समन्वयक रफिक मुलानी यांची विचारमंचावर प्रमुख उपस्थिती होती.यावेळी कार्यक्रमाला उपस्थित चेंबूर नाका शिवसेना उपप्रमुख व आरोग्य समन्वयक विकास भोसले यांनी संजय देशमुख हे संघटनेसाठी एक पात्र,सक्षम नेतृत्व असून लोक स्वातंत्र्यमध्ये उत्तम पदाधिकारी योग्य वाटचालीचा आपल्या भाषणातून विशेष उल्लेखाने गौरव केला.
लोकस्वातंत्र्य पत्रकार महासंघाचा कोकण व मुंबई सभासद पदाधिकाऱ्यांचा ५ वा विचारमंथन मेळावा प्रभादेवी, मुंबई येथे त्यांचे अध्यक्षतेखाली संपन्न झाला.याप्रसंगी राष्ट्रसंत तुकडोजी महाराज व गाडगे महाराज यांना वंदन करण्यात येऊन शाहिद जवान,अत्त्याचारग्रस्त महिला,दिवंगत पत्रकार,शेतकरी,हिंचार बळी,आपत्ती,
अपघातग्रस्तांना सामुहिक श्रध्दांजली अर्पण करण्यात. आमदार सुनिल प्रभू यांना \" लोक स्वातंत्र्य समाज रत्न गौरव\" हा राज्यस्तरिय पुरस्कार यावेळी जाहिर करण्यात आला.संघटनेसाठी प्रभावी कार्य करणाऱ्या अरविंदराव देशमुख,सौ.सुषमा ठाकूर,पंजाबराव देशमुख,जगदिश प्रसाद
करोतिया, संतोष घरत,देवेन्द्र मेश्राम,यांना प्रोत्साहनपर स्मृती चिन्ह देऊन सन्मानित करण्यात आले.नव्या व नुतनिकरणीकरण केलेल्या आय कार्डांचे वितरण करण्यात आले.
या कार्यक्रमाला ठाणे जिल्हा संघटक संजय सोळंके,अंधेरी संघटक राजीव विश्वकर्मा, उमेश चौधरी,चेंबूर नाका शिवसेना उपप्रमुख व आरोग्य समन्वयक विकास भोसले.अनिता देशमुख, सौ.छाया मेश्राम, यांची उपस्थिती होती.कार्यक्रमाचे संचलन व आभारप्रदर्शन सौ.सुषमा ठाकूर यांनी केले.
आपल्या प्रतिक्रिया द्या....
.jpg)
