कारंजा (लाड) : राज्यातील कोणत्याही दहशतवादी हल्याच्या प्रंसगी प्रसंगावधान राखुन करावयाच्या कार्यपद्धती संबधात वाशिम जिल्हा पोलीस दलाच्या वतीने पोलीस स्टेशन, कारंजा (शहर) हद्दीतील श्री. हिंदू हृदय सम्राट बाळासाहेब ठाकरे समृध्दी महामार्ग टोलनाक्यावर आज दिनांक 26/08/2025 रोजी 12.00 ते 13.30 वाजता दरम्यान मा.उपविभागीय पोलीस अधिकारी प्रदिप पाडवी साहेब कारंजा यांचे मार्गदर्शनाखाली पोलीस निरीक्षक दिनेशचंद्र शुक्ला साहेब कारंजा शहर यांचे उपस्थितीत दहशतवादी हल्याची रंगीत तालीम (Mock Drill) चे आयोजन करण्यात आले होते.
त्यानुसार समृध्दी टोल नाका येथे एक संशयीत वाहन खुप वेळे पासुन उभे असुन त्यामध्ये एक बॉक्स आहे असे दिसुन येत आहे व ते काही घातपात घडवुन आणण्याचे उद्देशाने तेथे ठेवले आहे अशी माहिती समजल्याने आमचे अधिनस्त असलेले सर्व पोलीस यंत्रणा सतर्क करुन घटनास्थळावर तात्काळ रवाना करण्यात आले. त्या अनुषंगाने घटना स्थळावर रवाना करण्यात आलेल्या यंत्रणेमधील BDDS पथक यांनी संबंधीत ठिकाणाची तपासणी केली असता श्री. हिंदु हृदय सम्राट बाळासाहेब ठाकरे समृध्दी महामार्ग टोलनाक्या जवळ एक चारचाकी वाहन क्र.-MH-37 AD - 1297 डिझायर कंम्पनीची गाडी दिसुन आले वरुन BDDS पथक यांनी स्नीफर डॉगव्दारे पाहणी केली तसेच त्यांचे जवळ असलेले इतर बॉम्ब शोधक नाशक इंस्ट्रुमेंटव्दारे पाहणी केली असता सदर तपासणी दरम्यान स्फोटकाचे एक बॉक्स आढळून आल्याने व त्यामध्ये काही बॉम्ब सदृष्य वस्तु आढळुन आल्याने BDDS तंत्रज्ञानी उपकरणाच्या साहायाने सदर बॉम्ब सदृष्य वस्तु निष्क्रीय केली. तसेच उपविभागीय पोलीस अधिकारी, कारंजा व स्थागुशा चे अधिकारी यांनी वेग-वेगळे पोलीस पथक तयार करुन तपास कामी व आरोपी शोधकामी रवाना करण्यात आले अशा प्रकारे रंगीत तालीम घेण्यात आली.
सदर रंगीत तालीम मा.उपविभागीय पोलीस अधिकारी कारंजा, ठाणेदार कारंजा (शहर), पो स्टे कारंजा ग्रामीण अंमलदार, पोलीस अधिकारी स्थागुशा, SID वाशिम अधिकारी, ATS वाशिम युनिट अधिकारी, प्रभारी अधिकारी BDDS, वाशिम प्रभारी अधिकारी दविशा, वाशिम अंगुली मुद्रा विभाग अंमलदार, जिल्हा वाहतुक शाखा अंमलदार, RCP पथक कारंजा व इतर दुय्यम अधिकारी तसेच आरोग्य विभाग अधिकारी व कर्मचारी, अग्नीशामक दल कर्मचारी, यांचे उपस्थितीत रंगीत तालीम घेण्यात आली. सदर रंगीत तालीम मध्ये एकुण 15 अधिकारी तसेच 85 पोलीस अंमलदार व इतर प्रशासकीय यंत्रणेचे कर्मचारी असे एकुण 85 अधिकारी व अंमलदार/ कर्मचारी यांनी सहभाग नोंदविला होता.