{1 नोव्हेबर 2023 रोजी काळी लावून केला निषेध, तहसीलदार व गट शिक्षणाधिकारी यांना दिले निवेदन}
कारंजा: कारंजा येथील तहसील कार्यालय व गटशिक्षणाधिकारी कार्यालय या ठिकाणी तहसीलदार व गटशिक्षणाधिकारी यांना शिक्षण संघर्ष संघटना व जुनी पेन्शन कोर कमिटी महाराष्ट्र राज्य यांच्या वतीने संगीताताई शिंदे यांचे मार्गदर्शनात 1 नोव्हेबर 2005 पूर्वी नियुक्त शिक्षक व शिक्षकेत्तर कर्म. यांना जूनी पेंशन योजना लागू करावी, याकरीता निवेदन देण्यात आले.
31 आक्टोबंर 2005 च्या शासन निर्णयाने जो कर्मचाऱ्यांवर अन्याय केलेला आहे आणि म्हणून त्याची अंमलबजावणी 1 नोव्हेंबर 2005 पासून झाली होती,त्याचा निषेध म्हणून 1 नोव्हेम्बर 2005 पूर्वीच्या मुख्याध्यापक शिक्षक शिक्षकेतर कर्मचारी यांनी दिवसभर काळ्याफिती लावून काम केले व व शासनाच्या त्या आत्मघाती जी आर चा निषेध नोंदविला.1 नोव्हेंबर 2005 पूर्वी नियुक्त झालेल्या मुख्याध्यापक ,शिक्षक, शिक्षकेतर कर्मचाऱ्यांना जुनी पेन्शन लागू व्हावी यासाठी शिक्षण संघर्ष संघटना व जुनी पेन्शन कोर कमिटी महाराष्ट्र राज्य यांच्या संयुक्त विद्यमाने 23 डिसेंबर 2021 ते 8 मे पर्यंत एकूण 140 दिवस आझाद मैदानावर बेमुदत महाविश्वास धरणे आंदोलन केले परंतु तत्कालीन शासनाकडून आश्वासनाच्या पलीकडे व वेळ काढू धोरणाच्या पुढे काहीही पदरात पडले नाही, त्यामुळे आता हे सर्व कर्मचारी आक्रमक बनलेले आहेत जुनी पेन्शन हा आमचा व आमच्या कुटुंबाचा म्हातारपणीचा आधार असून राज्यातील 1 नोव्हेंबर 2005 पूर्वी नियुक्ती असलेल्या सर्व विनाअनुदानित ,अंशतः अनुदानित व तुकड्यावर नियुक्त शिक्षक शिक्षकेतर कर्मचाऱ्यांना जुनी पेन्शन योजना विना अट लागू करावी,अन्यथा यापुढे बेमुदत आमरण उपोषण करण्याचा मानस सर्व कर्मचाऱ्यांचा आहे, असे शासनाला ठणकावून सांगितलेले आहे. निवेदन देताना शिक्षण संघर्ष संघटना तालुका अध्यक्ष पुरुषोत्तम म्हातारमारे, तालुका सचिव बाबू पप्पूवाले,गोपाल काकड, शालिनी ओलिवकर,अनिल हजारे, देविदास कालबांडे, भालचंद्र कावाने, राजू लबडे, राजेन्द्र उमाळे,राजेश लिंगाटे,सतीश गायधनी,गणेश महल्ले,गजनन गांजरे,मिलिंद वानखेडे, गजानन गवई,बंडूभाऊ निम्भोरकर, राजेश गोडसे,शेख चाँद शेख गवळी,समाधान वर, किरण चौधरी, ए एस कदम,आर पी कनोजे,माहुरे,एम ए वडते, व्ही एस चौधरी, नाशिक जाधव, सुभाष कोडापे,आर,डी राऊत,मनोज चाकोलकर,ज्ञानेश्वर गावंडे,किशोर बोरकर,प्रफ्फुल गुजर,हरिदास गंदरे,चेतन शेगांवकर इत्यादी पेन्शन फायटरची उपस्थिती होते.
