अकोला:-
सेंट्रल बँक ऑफ इंडिया, अकोला क्षेत्रात आयोजित मेगा MSME कर्ज आउटरीच कार्यक्रम अकोला इंडस्ट्रीयल असोसिएशन हॉल, अप्पू चौक, MIDC फेज 3 येथे अत्यंत उत्साहात आणि यशस्वीरीत्या संपन्न झाला.
कार्यक्रमाचे मार्गदर्शक म्हणून मा. श्री अनुपजी धोत्रे, खासदार अकोला यांनी उपस्थित राहून MSME क्षेत्राच्या उन्नतीसाठी बँकेने केलेल्या उपक्रमांचे कौतुक केले. कार्यक्रमास विशेष अतिथी म्हणून मा. श्री. मनोज खंडेलवाल प्रेसिडेंट, MIDC असोसिएशन अकोला, मा. श्रीमती बिनिता राणी सहायक महाप्रबंधक, सेंट्रल बँक ऑफ इंडिया – आंचलिक कार्यालय पुणे, मा. श्री. नयन सिन्हा LDM आणि मा. श्री पीयुष अग्रवाल LDO RBI यांनी कार्यक्रमाची शोभा वाढवली.
एमआयडीसी उपाध्यक्ष श्री नरेश बियाणी, सह उपाध्यक्ष श्री कमलेश अग्रवाल , सचिव श्री नितीन बियाणी ,
ट्रेझर श्री रितेश गुप्ता, श्री तुलसी आटा द्वारकाजी चांडक ,श्री पार्थ शहा लिबन लेबोरेटरी ,श्री आशिष चंद्रना ,
एम एस सी डी सेलचे डायरेक्ट
दयाल इंडस्ट्रीजचे संचालक श्री विनय बाजुका,ऑइल मिलचे प्रेसिडेंट श्री लक्ष्मीकांत डागा दाल मिलचे प्रेसिडेंट श्री भाला, या कार्यक्रमाला उपस्थिती उद्योजक उपस्थित होते.
कार्यक्रमाचे आयोजन श्री. पंकज कुमार, क्षेत्रीय प्रमुख, सेंट्रल बँक ऑफ इंडिया अकोला यांनी केले. त्यांनी या उपक्रमाच्या माध्यमातून जिल्ह्यातील उद्योग, उद्योजक व सूक्ष्म-मध्यम व्यवसायांना मोठ्या प्रमाणावर आर्थिक पाठबळ दिले जाईल, असे सांगितले.
या आउटरीच कार्यक्रमादरम्यान ग्राहक मिलनाचे आयोजन करण्यात आले, ज्यामध्ये मा. श्री. सचिन डोके मुख्य व्यवस्थापक सेंट्रल बँक यांनी उद्योजकांशी संवाद साधत त्यांच्या आर्थिक गरजांचा आढावा घेण्यात आला. पात्र लाभार्थ्यांना विविध MSME कर्ज योजनांअंतर्गत मंजुरीपत्रांचे वितरण करण्यात आले. सेंट बिझनेस योजना, सेंट GST योजना, सेंट हॉटेल योजना, सेंट संजीवनी योजना, CMEGP–PMEGP लोन योजना, MSME लोन व इतर बँकेच्या योजनांची माहिती उपस्थितांना देण्यात आली.
व्यापारी, उद्योगपती, हितसंबंधी आणि बँक कर्मचाऱ्यांच्या सक्रीय सहभागामुळे कार्यक्रमाला उल्लेखनीय प्रतिसाद मिळाला. या उपक्रमामुळे जिल्ह्यातील MSME क्षेत्राला नवे बळ मिळेल आणि सेंट्रल बँक ऑफ इंडिया आर्थिक समावेशन व पारदर्शक कर्ज वितरणासाठी आपले कार्य अधिक मजबूत करेल, अशी भावना व्यक्त करण्यात आली.
कार्यक्रम यशस्वी करण्यासाठी उपस्थित राहिलेल्या सर्व उद्योजक, ग्राहक आणि मान्यवरांचे सेंट्रल बँक ऑफ इंडियातर्फे हार्दिक आभार मानण्यात आले.
आपल्या प्रतिक्रिया द्या....
