56 पाणी वापर संस्था समन्वय समिती आणि देवा भाऊ फाउंडेशनच्या प्रयत्नांना यश
ब्रह्मपुरी:18 नोव्हे.
गेल्या काही दिवसांपासून उजवा कालवा विभागांतर्ग समन्वय समिती, पाणी वापर संस्था तसेच शेतकरी बंधू उन्हाळी भात पिकासाठी पाणी सोडण्याची मागणी सातत्याने करीत आहेत.मात्र "क्रिटिकल पॅचेसचे बांधकाम" करावयाचे असे कारण सांगून पाणी सोडण्यास टाळाटाळ करताना दिसत होते. विषयाचे गांभीर्य लक्षात घेऊन समन्वय समितीच्या पदाधिकाऱ्यांनी आमदार सुधीर भाऊ मुनगंटीवार, माजी आमदार अतुल भाऊ देशकर, भाजपा महिला मोर्चाच्या जिल्हाध्यक्ष सौ.वंदनाताई शेंडे, माजी तालुकाध्यक्ष प्राचार्य अरुण शेंडे इत्यादी मान्यवरांचे पत्र घेऊन समितीचे पदाधिकारी नागपूर स्थित "देवा भाऊ फाउंडेशन"चे कार्यालय गाठले.देवाभाऊ फाऊंडेशनचे प्रदेश सह समन्वयक मान. विवेकजी देशकर सर यांची भेट घेतली.(स्वत: प्रा.रामलाल दोनाडकर हे देखील देवा भाऊ फाऊंडेशनचे कार्य समिती सदस्य आहेत.) देशकर सरांनी मागणी पूर्ण करून घेण्याकरिता काय प्रक्रिया अवलंबावी याबद्दल सुचक मार्गदर्शन केले. आणि यासंदर्भात आपणांस मुख्यमंत्री मा. नामदार देवेंद्रजी फडणवीस साहेबांशी लवकरात लवकर या विषयावर चर्चा घडवून आणू असे आश्वासन दिले.
मा.विवेक देशकर सरांच्या मार्गदर्शनात निवेदन तयार करून समन्वय समितीच्या पदाधिकाऱ्यांनी मा.श्री.जयंत गवळी साहेब, मुख्य अभियंता, प्रकल्प विदर्भ सिंचन विकास महामंडळ, नागपूर यांचे कार्यालय गाठले. येथे मा.गवळी साहेबांनी श्री रा.गू.पाटील अधीक्षक अभियंता, गोसेखुर्द प्रकल्प मंडळ नागपूर यांना बोलावून घेतले.श्री.हासे कार्यकारी अभियंता, गोसेखुर्द उजवा कालवा विभाग ब्रह्मपुरी, ही देखील उपस्थित झाले.
समन्वय समितीने, श्री.रा.गो. पाटील,अधीक्षक अभियंता,गोसेखुर्द प्रकल्प मंडळ, नागपूर यांचे अध्यक्षतेखाली दि. 30/ 10/ 2025 रोजी घेतलेला निर्णय रद्द करून सन 2025- 26 उन्हाळी हंगामाकरिता कालव्याचे पाणी देण्याबाबत आणि मागणी मंजूर न झाल्यास आमरण उपोषण करण्याबाबतच्या इशाऱ्याचे निवेदन देऊन उन्हाळी हंगामात पाणी किती आवश्यक आहे हे पटवून दिले. तसेच "क्रिटिकल पॅचेस"चे बांधकाम मे, जून, जुलै,ऑगस्ट या महिन्यात करण्यात यावे. पावसाळी हंगामा करिता सन 2017 पासून पाणी देत असताना,उन्हाळी हंगामा करिता देण्यास का हरकत आहे?कार्यकारी अभियंत्याने सन 2025-26 या वर्षात भात पिकासाठी पाणी देऊ असे शेतकऱ्यांना आश्वासक पत्र दिले होते. या पत्रानुसार अधिकाऱ्यांनी का वागू नये? त्याचप्रमाणे विविध वर्तमानपत्रातील बातम्या आणि पाणी वापर संस्थांनी दिलेली पत्रे दाखवून पाण्याची अपरिहार्यता पटवून देण्यात समितीचे पदाधिकारी यशस्वी झाले.शेवटी येत्या 20 नोव्हेंबरला होणाऱ्या बैठकीत निर्णय घेऊन शेतकऱ्यांचे हिताचे रक्षण केल्या जाईल,असा शब्द दिला.
