कारंजा: सहकार हे ग्रामीण आर्थीकतेचे बळ असून, अकोला-वाशिम जिल्ह्यातील ग्रामीणांत आर्थीक सुबत्ता आणली आहे.कारंजा येथील दि. अकोला वाशिम जिल्हा मध्यवर्ती सहकारी बँकेचे क्षेत्रीय कार्यालय ही केवळ इमारत नसून,यापासून ग्रामीण भागातील शेतकरी, कष्टकरी,सर्वसामान्य घटक, महिला स्वयंसेवी संस्थांना आर्थीक मदतीचा हात देऊन त्यांना विकासाच्या प्रवाहात आणले,असे प्रतिपादन कारंजा मतदार संघाच्या आमदार सईताई डहाके यांनी केले. कारंजा येथील दि. अकोला-वाशिम जिल्हा मध्यवर्ती सहकारी बँकेच्या कारंजा शाखा व क्षेत्रीय कार्यालयाच्या पार पडलेल्या उद्घाटनप्रसंगी त्या उद्घाटक म्हणून बोलत होत्या.
यावेळी विचारपीठावर बँकेचे अध्यक्ष मा डॉ. संतोषकुमार कोरपे , बँकेचे उपाध्यक्ष मा श्रीधरराव कानकिरड , मा अध्यक्ष व संचालक मा डॉ. सुभाषचंद्र कोरपे, मा उपाध्यक्ष तथा संचालक मा वामनराव देशमुख, मा राजेश राऊत, अकोला कृषी उत्पन्न बाजार समिती सभापती मा शिरीष धोत्रे, संचालक मा उमेश ठाकरे, मा जगदीश पाचपोर, मा अंबादास तेलगोटे, मा डॉ जयराज कोरपे, खरेदी विक्री कारंजाचे अध्यक्ष मा देवेन्द्र ताथोड, देखरेख संघाचे संचालक मा विश्वनाथ पाटील ताथोड, मा संचालिका मा आशाताई गाडगे, मा जि प अध्यक्षा मा ज्योतीताई गणेशपुरे, संचालक मंडळ, सदस्य आदी उपस्थित होते.
कारंजा तालुका सहकाराशी समरस असल्याचा इतिहास आहे. सहकाराची पहिली कृषी उत्पन्न बाजार समिती कारंजा येथे कार्यरत झाली. त्यातून सहकारी बँकेच्या सोसायट्यांची निर्मिती होऊन खर्‍या अर्थाने ग्रामीण भागातील नागरिकांशी आर्थीक नाळ जोडली गेली. यातून तळागाळातील घटकांना आर्थीक विकासाच्या प्रवाहात आणले गेले, जात आहे. कोरपे कुटंबाशी आमच्या डाहाके कुटुंबीयांचे जवळपास तीन पिढ्यांपासूनचे ऋणानुबंध आहेत. याच क्षेत्रीय कार्यालयाच्या भूमिपूजन सोहळा दादांच्या हस्ते झाला होता. आता त्या कार्यालयाचे उद्घाटन करण्याचे सौभाग्य मला लाभले. हा क्षण माझ्याकरिता भारावणारा असून, सहकाराशी आमच्या घराण्यांशी असलेले नाते किती घट्ट आहेत, हे दाखविते, असे त्या म्हणाल्या.
अविस्मरणी प्रसंग
कारंजा येथील दि अकोला-वाशिम जिल्हा मध्यवर्ती सहकारी बँकेच्या कारंजा शाखा व क्षेत्रीय कार्यालयाचे उद्घाटन हा प्रसंग माझ्याकरिता अविस्मरणीय आहे,असे बँकेचे अध्यक्ष डॉ. संतोषकुमार कोरपे म्हणाले. मी मागील ३५ वर्षापासून बँकेचे नेतृत्व करीत आहे. तथापि, एकट्याने हे शक्य होऊ शकले नाही, त्यासाठी त्या काळातील सहकारप्रेमी, समाजकारणी, राजकारणी तसेच शेतकरी व सर्वसामान्यांचे मोठे योगदान आहे. समाज हा एका कोणाचा नाही, त्याला एका धाग्यात अर्थात सहकारच्या धाग्यात गुंफणे हा प्रयत्न झाल्यामुळे आज अकोला-वाशिम जिल्ह्यातील सहकार चळवळ गतीमान होऊ शकली. यातूनच शेतकरी, कष्टकरी वर्गात खर्‍या अर्थाने आर्थिक सुबत्ता येणार आहे. राज्यातील राजकीय नेत्यांनी सहकाराला मोठी चालना दिल्यामुळे महाराष्ट्रातील सहकार चळवळ आज यशाच्या टप्यात येत असल्याचे दिसत आहे, असे डॉ. कोरपे म्हणाले. तर उत्पादनावर आधारीत कृषी मालाला भाव हा विषय सरकारदप्तरी माडांवा, असे आवाहनही त्यांनी आमदार सईताई डहाके यांना केली.
कार्यक्रमाला बँकेचे मुख्य कार्यकारी अधिकारी मा अनंत वैद्य, हिशेब विभागाचे सहा. व्यवस्थापक मा प्रसन्न बोन्था, विशेष कार्याधिकारी मा सुधाकर झळके, मा प्रशांत ऊकंडे, तालुका उपमुख्याधिकारी मा बलदेव राठोड, मार्केटिंग ऑफीसर ग्रेड 1 मा अजय पदमने, शाखाधिकारी मा शैलेश शेलोकार, मा गजानन कडू, मु क चे अधिकारी मोहन अप्तुरकर व बँकेचे सर्व अधिकारी व कर्मचारी तसेच सर्व सेवा सह सोसायटी पदाधिकारी, बहुसंख्य जनसमुदाय, खातेदार व शेतकरी बांधव व उपस्थित होते.
आपल्या प्रतिक्रिया द्या....
.jpg)
.jpg)
