यंदाची दिवाळी पर्यावरण पूरक आणि प्रदूषण मुक्त साजरी करता यावी यासाठी *महर्षी कर्वे स्त्री शिक्षण संस्थेच्या विद्यापीठ हायस्कूल* प्रशालेमध्ये पर्यावरणपूरक उपक्रमांचे आयोजन करण्यात आले आहे. 'फटाक्यांचा खर्च टाळून त्यातून पुस्तके, खेळणी आणि खाऊ घ्यावा.आकाशकंदील, शुभेच्छा पत्रे तयार करावीत. सहलीचा मनमुराद आनंद घ्यावा.'असे आवाहन विद्यार्थ्यांना मुख्याध्यापक विष्णू मोरे यांनी प्रशालेच्या वतीने केले. ध्वनी प्रदूषण,वायू प्रदूषण, अपघाताने भाजणे, आग लागणे, वृद्ध, आजारी, परीक्षार्थी या सर्वांना त्रास. फुफ्फुस, हृदय व मेंदू यांवर होणारा परिणाम तसेच डोळ्यांना इजा,अंधत्व टाळण्यासाठी या उपक्रमांचे आयोजन करण्यात आले आहे. विद्यार्थ्यात पर्यावरण पूरक दीपावली साजरी करण्या संदर्भात मोठ्या प्रमाणावर जाणीव जागृती करण्यात आली. फटाके न फोडण्याचा निर्धार विद्यार्थ्यांनी केला व शपथ घेतली. शाळेच्या आवारात दिव्यांच्या झगमगटाने भारलेले वातावरण, उत्साहाचे व आनंदाचे पाहायला मिळाले. शाळेने पर्यावरण पूरक दिवाळीचा संदेश देण्यासाठी फटाक्यांना दूर ठेवून निसर्गस्नेही दीपोत्सव साजरा केला.
दीपोत्सवानिमित्त प्रशालेमध्ये बाया कर्वे पुरस्कारार्थी महिलांची थींम तयार करण्यात आली होती.
याप्रसंगी प्रशालेचे मुख्याध्यापक विष्णू मोरे, शिक्षक प्रतिनिधी संध्या आवेकर, ज्येष्ठ शिक्षिका स्नेहा वाघमारे, वैशाली सैंधाणे, स्मिता जाधव, गौरी गोळे, मनोहर निकम, किरण चव्हाण,योगेश्वर चव्हाण, तेजस्विनी निरगुडे, रेश्मा देवकाते, पल्लवी अभंग, शिक्षकेत्तर कर्मचारी, विद्यार्थी मोठ्या संख्येने उपस्थित होते.
