कारंजा (लाड) अतिवृष्टीने घायाळ झालेल्या शेतकऱ्यांच्या जखमेवर शासनाने मीठ चोळण्याचे काम केले असून, मिळालेली “तुटपुंजी मदत” हा केवळ कागदी दिखावा असल्याचा आरोप करत शिवसेना (उद्धव बाळासाहेब ठाकरे गट) तर्फे लक्ष्मीपूजनाचे दिवशी दिवाळीच्या पर्वावर कारंजा येथे चटणी-भाकर शिदोरी आंदोलन करण्यात आले.
“आमचा शेतकरी पावसाने वाहून गेला, आणि शासनाने नोटीसमधून पुसून टाकला!” — अशा तिखट शब्दांत शिवसैनिकांनी शासनावर हल्लाबोल केला.
शासनाचा अतिवृष्टी मदतीबाबतचा जी.आर. तहसील कार्यालयासमोर जाळून शेतकरीविरोधी धोरणांचा निषेध नोंदविला. आंदोलनादरम्यान शिवसैनिकांनी “चटणी-भाकर” खाऊन बळीराजाची काळी दिवाळी प्रतीकात्मकरीत्या दाखवली.
या वेळी उपजिल्हाप्रमुख दत्ता पाटील तुरंक, तालुकाप्रमुख विलास पाटील सुरडकर, युवतीसेना जिल्हा प्रमुख प्रिया महाजन, शरद तुमसरे, सर्कल प्रमुख महेश पाटील बांबल, तालुका समन्वयक, युवासेना तालुका प्रमुख अविनाश पाटील दहातोंडे, शहर प्रमुख बाबरे, उगले, खासदार संजय भाऊ देशमुख यांचे खाजगी सचिव आदी पदाधिकारी उपस्थित होते.
शेकडो शिवसैनिक आणि शेतकरी बांधवांच्या उपस्थितीत झालेल्या या आंदोलनाने प्रशासनाचे कान झणझणीत केले.
शिवसैनिकांनी स्पष्ट इशारा दिला की,
“आज आम्ही शासनाचा जी.आर. जाळला, आम्ही आता सरकारची खुर्ची तापवू!”
कारंजा तालुक्यातील या आंदोलनामुळे शेतकरी हितासाठी पुन्हा एकदा शिवसेना (उद्धव बाळासाहेब ठाकरे) रस्त्यावर उतरली आहे, आणि राज्य सरकारसमोर शेतकऱ्यांच्या दुःखाची “राजकीय ज्वाला” पेटली आहे.
आपल्या प्रतिक्रिया द्या....
