अकोला:-
सेंट्रल बँक ऑफ इंडिया, प्रादेशिक कार्यालय अकोला यांच्या वतीने आयोजित मेगा रिटेल कर्ज आउटरिच कार्यक्रम आज दिनांक 28 नोव्हेंबर 2025 रोजी व्हीनस इंटरनॅशनल हॉटेल, अकोला येथे उत्साहपूर्ण वातावरणात यशस्वीरीत्या संपन्न झाला.
कार्यक्रमास विशेष अतिथी म्हणून श्री. सुनील इन्नानी, अध्यक्ष – NAREDCO अकोला, श्री. सुमित हातेकर, अध्यक्ष – CREDAI अकोला, श्री. अभिजीत परांजपे, चेअरमन – ACCE अकोला, श्री. अमित राठी, अध्यक्ष – IIA अकोला, श्री. वसंतकुमार खांडेलवाल, मालक – मारुती सुझुकी अरेना यांनी उपस्थित राहून कार्यक्रमाची शोभा वाढवली व मार्गदर्शन केले.
कार्यक्रमाचे आयोजन श्री. पंकज कुमार, क्षेत्रीय प्रमुख, सेंट्रल बँक ऑफ इंडिया, अकोला यांनी केले. त्यांनी या उपक्रमाचे महत्त्व स्पष्ट करताना अधिकाधिक नागरिकांना बँकेच्या विविध योजनांशी जोडण्याचे आवाहन केले.
ग्राहक संवाद सत्रात मा. श्री. अभिषेक कुमार, मुख्य व्यवस्थापक, सेंट्रल बँक ऑफ इंडिया यांनी उपस्थित ग्राहकांशी संवाद साधून त्यांच्या आर्थिक गरजांचा आढावा घेतला व त्यांच्या शंकांचे निरसन केले.
या कार्यक्रमात सेंट गृहकर्ज, सेंट वाहन कर्ज, सेंट वैयक्तिक कर्ज, सेंट शिक्षण कर्ज, सेंट सोनेतारण कर्ज तसेच बांधकाम व्यावसायिक प्रकल्प कर्ज योजना याबाबत सविस्तर माहिती देण्यात आली.
कार्यक्रमादरम्यान पात्र लाभार्थ्यांना विविध रिटेल कर्ज योजनांअंतर्गत रु. 25.00 कोटींच्या मंजुरीपत्रांचे व धनादेशांचे वितरण मान्यवरांच्या हस्ते करण्यात आले.
बिल्डर्स, बिल्डर असोसिएशनचे प्रतिनिधी, वाहन विक्रेते, शिक्षण संस्था प्रतिनिधी, विविध रिटेल ग्राहक तसेच बँक कर्मचारी यांच्या सक्रिय सहभागामुळे कार्यक्रमाला उत्स्फूर्त प्रतिसाद मिळाला. या उपक्रमामुळे जिल्ह्यातील रिटेल, गृहबांधणी आणि व्यावसायिक क्षेत्राला नवे बळ मिळेल तथा आर्थिक समावेशन आणि पारदर्शक कर्जवाटपाच्या दिशेने सेंट्रल बँक ऑफ इंडिया आपली वचनबद्धता अधिक दृढ करेल, असे मत मान्यवरांनी व्यक्त केले.
कार्यक्रमाचे आभार प्रदर्शन श्री. नयन सिन्हा, अग्रणी जिल्हा प्रबंधक, अकोला यांनी केले.
कार्यक्रम यशस्वी करण्यासाठी सहकार्य करणाऱ्या सर्व मान्यवर, उद्योजक, ग्राहक आणि उपस्थित बांधवांचे सेंट्रल बँक ऑफ इंडिया तर्फे मनःपूर्वक आभार मानण्यात आले.
आपल्या प्रतिक्रिया द्या....
.jpeg)
