कारंजा : कारंजा-मानोरा विधानसभा मतदार संघ हा गेल्या दशकभरापासून महायुती मधील घटकपक्ष भाजपाकडे असल्यामुळे,सदर मतदार संघासाठी भाजपाच प्रबळ दावेदार राहणार असून.परत तिसऱ्यांदा भाजपाच्याच वाट्याला जाणार असल्याचे जवळ जवळ 99% निश्चितच ठरले आहे. सर्वात शिस्तप्रिय पक्ष म्हणून भाजपा पक्षाची ओळख असून, कुणालाही उमेदवारी मिळाली तरी बाकीचे इच्छुक आपला रुसवा फुगवा विसरून बंडखोरीची भाषा न वापरता, पक्षासाठी मोठ्या उत्साहाने प्रयत्न करतील या विषयी शंकाच नसल्याचे ज्येष्ठ पत्रकार तथा समाजसेवक संजय कडोळे यांनी कळवीले आहे. या विषयी अधिक वृत्त देतांना त्यांनी सांगितले की, आमच्या करंजमहात्म्य परिवाराचे निरीक्षणानुसार,कारंजा मानोरा व ग्रामिण भागातील मतदार नागरीकाकडून महायुतीमध्ये सर्वात जास्त पहिली पसंती भाजपा आमदार स्व.राजेंद्र पाटणी यांचे यांचे सुपूत्र ॲड.ज्ञायक पाटणी यांना दिली जात आहे.भाजपाचे आमदार स्व.राजेंद्र पाटणी हे गेल्या दशकातील आपल्या कार्यकाळात केवळ कारंजा मानोरा मतदार संघातच नव्हे तर संपूर्ण वाशिम जिल्हा व वाशिम यवतमाळ लोकसभा मतदार संघातील प्रत्येक गावखेडे मोहल्ल्यातील समाजातून भाजपाचे संघटन मजबूत करण्यात यशस्वी झालेले होते.त्यामुळे आज त्यांच्या पश्चातही त्यांना व त्यांचे नंतर त्यांच्या मुलाला ॲड.ज्ञायक राजेंद्र पाटणी यांना मानणारा खूप मोठा मतदार वर्ग येथे तयार झालेला आहे.शिवाय गेल्या दोन वर्षात पाटणी यांच्या कामाच्या धडाक्यामुळे बहुतांश शहर, तालुक्यातील नगरविकास आणि ग्राम विकासाची कामे पूर्णत्वाला जाऊन सर्वच गावखेड्यातील - तालुक्याला जोडणारी रस्ते, पांदनरस्ते,नाली,सामाजिक सभागृहाची कामे पूर्णत्वाला गेलेले असल्याने व स्व.राजेंद्र पाटणी यांच्या पश्चात त्यांच्या मुलाने ॲड.ज्ञायक पाटणी यांनी कारंजा व मानोरा तालुक्यातील लोकांशी दांडगा संपर्क ठेवून व लोकांची अडली नडली कामे पूर्ण करण्याचा झपाटाच लावल्याने त्यांनी मतदार संघात स्वतःचा खूप मोठा जनसमुदाय तयार केल्याचे ठळकपणे दिसून येत आहे.त्यामुळे भाजपा पक्षश्रेष्ठींकडे सुद्धा ॲड.ज्ञायक पाटणी यांच्या बद्दल सकारात्मक निरीक्षण नोंदवीले गेल्याची माहिती विश्वसनिय सुत्राकडून मिळत आहे.त्यामुळे इतर इच्छुकांचा मात्र हिरमोड होणार आहे.मात्र भाजपा पक्ष शिस्तप्रिय पक्ष म्हणून ओळखल्या जात असून या पक्षात पक्षश्रेष्ठींचा आदेश हा अंतिम आदेश मानल्या जात असतो. आणि म्हणूनच इतर इच्छुकांना पक्षश्रेष्ठींचा आदेश शिरसावंद्य मानून महायुतीच्या उमेद्वाराला निवडून आणण्यासाठी बंडखोरी न करता, इमाने इतबारे काम करावे लागणार आहे.मात्र त्या बदल्यात इतर भाजपापक्षाच्या इच्छुकांना आणि घटक पक्षातील पुढाऱ्यांना सुद्धा भविष्यात विधानपरिषद,महामंडळाची दारे उघडी असणार असून त्यांच्यावर विश्वास ठेवून पक्ष त्यांना सत्तेत सामावून घेणार असल्याचे वृत्त आमच्या हाती आले आहे. त्यामुळे एकंदरीत मिळालेल्या माहितीवरून घटक पक्षातील इच्छुकांनी व स्वकियांनी महायुती एकत्र ठेवण्यासाठी इमाने इतबारे ॲड.ज्ञायक पाटणी यांना सहकार्य केल्यास कारंजा-मानोरा विधानसभा मतदार संघात महायुतीचा विजय होणार असल्याचे स्पष्ट दिसत आहे. अलीकडच्या काळावच सन 2023 मध्ये आमदार स्व. राजेंद्र पाटणी यांचे निधन झाल्यामुळे, ॲड .ज्ञायक पाटणी यांच्या विषयी कारंजेकर नागरीकामधे सहानुभूती आहे. शिवाय ॲड ज्ञायक पाटणी यांची सासरवाडी कारंजा असल्यामुळे ते कारंजाचे जावाई आहेत.व या नात्याने त्यांची गणणा स्थानिक व्यक्ती मध्येच होणार आहे.एकंदरीत या सकारात्मक मुद्यामुळे कारंजा मानोरा विधानसभा मतदार संघा मधून त्यांचा विजय निश्चित आहे असे वृत्त ज्येष्ठ पत्रकार तथा दिव्यांग जनसेवक संजय कडोळे यांनी कळवीले आहे.
.jpeg)
.jpeg)
