चोरटे कधी कोणत्या वस्तूंची चोरी करतील याचा काही नेम नाही. कारण चंद्रपूर शहर पोलिसांनी चक्क घर बांधकामात वापरण्यात येणाऱ्या बिल्डिंग मटेरियल साहित्यापैकी मिक्सर मशीन व ट्रॅक्टर चोरी करणाऱ्या आरोपींना अटक केली आहे. यात दोन आरोपींना अटक करण्यात आली असून एकूण 7 लाखांचे साहित्य जप्त करण्यात आले आहे.
घर बांधकाम ठेकेदार तिजबाई रोहित कुमार देवांगण यांच्या मालकीची बिल्डिंग मटेरियल मिक्सर मशिन बाबूपेठ परिसरातील बायपास मार्गावर 15 एप्रिल रोजी ठेवली असता दुसऱ्या दिवशी सदर ठिकाणी मशीन न आढळल्याने आजूबाजूला शोध घेतला परंतु मशीन मिळून न आल्याने शहर पोलिस ठाण्यात तक्रार दाखल करण्यात आली. शहर पोलिस ठाण्याचे सपोनि मंगेश भोंगाडे व गुन्हे शोध पथक घटनास्थळी दाखलहोऊन परिसरातील सीसीटीव्ही कॅमेरांचे फुटेज तपासले असता एका ट्रॅक्टरला मशीन जोडून नेताना आढळून आले. पोलिसांनी त्यादिशेने तपास केला असता राजुरा तालुक्यातील तुलान येथून आरोपींना अटक करण्यात आली. आरोपी उर्फ कमल उर्फ राहूल श्रवण निषादे (33) वर्ष रा. रमाबाई नगर, अष्टभुजा वार्ड, चंद्रपूर व विशाल मारोती मडावी (33) वर्ष, रा. तुलाना, विरूर (स्टे) अश्या दोन आरोपींना अटक करण्यात आली. यात बिल्डिंग मटेरियलची मिक्सर मशीन, ढलाई काँक्रीट मशीन, ढलाई काँक्रीट लिफ्ट मशीन, एक स्वराज माजदा ट्रॅक्टर असा एकूण 7 लाख रुपयांचा मुद्देमाल हस्तगत करण्यात आला आहे. सदरकार्यवाही पोलिस अधीक्षक रविद्रसिंह परदेसी, अप्पर पोलिस अधीक्षक रिना जनबंधु उपविभागीय पोलिस अधिकारी सुधीर नंदनवार यांच्या मार्गदर्शनाखाली पोलिस निरीक्षक सतीषसिंह राजपूत, सहाय्यक पोलिस निरीक्षक मंगेश भोंगाडे यांच्या नेतृत्वात गुन्हे शोध पथक कर्मचारी शरीफ शेख, विलास निकोडे, महेंद्र बेसरकर, जयंत चुनारकर, सचीन बोरकर, संतोष पंडित, चेतन गजललवार, इम्रान खान, इर्शाद खान, दिलीप कुसराम, संतोष कावडे, रूपेश रणदिवे यांनी केली आहे..
.jpeg)
