चंद्रपूर : पदवी परीक्षा देण्यास निघालेल्या दोन मुलीचां अपघातात मृत्यू झाल्याची दुदैवी घटना जिल्ह्यात घडली. तर एक तरूण या घटनेत जखमी झाला आहे. या घटनेने जिल्हा हळहळला.
प्राप्त माहीतीनुसार, गडचांदूर जवळील निंबाळा येथील शगुणा झाडे व प्रांजली मेश्राम या दोघी मैत्रिणी स्कुटीने राजुरा येथील एका महाविद्यालयात पदवी प्रथम वर्षाचा पेपर देण्यासाठी येत होते. मार्गातील आर्वी ते खामोना दरम्यान विरुद्ध दिशेने येणाऱ्या दुचाकीला धडक बसली. धडक बसताच दोघेही रस्त्याच्या मधोमध पडले आणि पाठीमागून येणाऱ्या अज्ञात चारचाकी वाहनाने त्याना चिरडले. यात डोक्याला जबर दुखापत झाल्याने दोघींचाही मृत्यू झाला. एकाला गंभीर दुखापत झाली. जखमी युवक राजुरा जवळील चुनाळा येथील रहीवाशी असल्याची माहीती आहे. दोन्ही जिवलग मैत्रिणीचा मृत्यू झाल्याने हळहळ व्यक्त केली जात आहे.
अपघाताची माहिती मिळताच राजुरा पोलीस घटनास्थळी दाखल झाली. पुढील तपास पोलीस करीत आहेत. या दुदैवी घटनेने जिल्हा हळहळला आहे.
