कारंजा : नुकत्याच झालेल्या यवतमाळ वाशिम लोकसभा मतदार संघाच्या सार्वत्रिक निवडणूकीमध्ये संपूर्ण महाराष्ट्रासह कारंजा शहरातही महाविकास आघाडीच्या घटक पक्षांसोबत काँग्रेस पक्ष एकवटल्याचे दिसून आले असून, काँग्रेसच्या स्थानिक ज्येष्ठ नेते तथा माजी नगराध्यक्ष अरविंद लाठीया यांच्या नेतृत्वात जुने नवे कार्यकर्ते एकत्र आल्याचे दिसून आले होते.निवडणूकीच्या निमित्ताने मागील आठवड्यात प्रचारसभा,रॅली आणि गृहभेटीने अक्षरशः प्रचारामध्ये चांगलीच रंगत आणल्याचे दिसून येत होते. त्यामुळे महाविकास आघाडीच्या लोकप्रिय उमेद्वार संजय देशमुख यांचा विजय निश्चित असल्याचे मानले जात असून, कारंजा शहरात चांगले बहुमत मिळणार असल्याचे माजी नगराध्यक्ष अरविंद लाठीया यांनी म्हटले आहे.एकेकाळी पांढरे सोने म्हणून ओळखल्या जाणाऱ्या कापूस पिकाच्या उत्पादक असलेल्या या मतदार संघातील शेतकऱ्याच्या समस्यांकडे व शेतकरी आत्महत्याकडे शासनाचे दुर्लक्ष्य असणे,येथील सुशिक्षीत बेरोजगाराच्या समस्याकडे शासनाचे लक्ष्य नसणे.कोणताही मोठा उद्योग कारखाना नसणे.तसेच मतदार संघातील वाशिम जिल्हा आंकाक्षीत असणे. व मतदार संघात स्थानिकांना डावलून महायुतीने बाहेरच्या उमेद्वाराला उमेद्वारी देणे.यामुळे प्रत्येक मतदाराचा दृष्टीकोन महायुतीच्या राजकारणाला कंटाळून महाविकास आघाडीकडे वळणार असल्याचे सुद्धा त्यांनी म्हटले आहे.तसेच महत्वाचे म्हणजे यावेळी लक्षात घेण्यासारखे म्हणजे महाविकास आघाडी मधील सर्वच घटक पक्षाचे नेते तन मन धनाने , अगदी जीवाचे रान करून,संजय देशमुख यांचे प्रचारकार्य इमाने इतबारे करीत असल्याचे आढळून येत आहे.यावेळी अल्पसंख्याक,आदिवासी, भटक्या विमुक्त,इतर मागासवर्गीय समाजासोबतच, निर्णायक मतदान असणाऱ्या मराठा,कुणबी,पाटील लॉबीचा कौलही महाविकास आघाडी कडेच दिसून येत आहे.या मतदार संघातील लढतही अखेरच्या क्षणापर्यंत तुल्यबळ होण्याची दाट शक्यता असून विजय मात्र महाविकास आघाडीचा होणार असल्याचे बोलले जात आहे. मात्र अखेर विजयश्री कोण खेचून आणणार हे तर निकालानंतरच स्पष्ट होणार आहे.मात्र असे असले तरी स्थानिक काँग्रेस नेते महाविकास आघाडीच्या विजया बद्दल आशावादी दिसून येत आहेत.
.jpeg)
.jpeg)
.jpeg)