चंद्रपूर दुचाकी चोरी करून ती कमी रकमेत विक्री करणाऱ्या दुचाकी चोराला जिवती पोलिस ठाण्याच्या पथकाने अटक केली. त्याच्याकडून एक लाख ३० हजार रुपये किमतीच्या तीन दुचाकी जप्त केल्या आहेत... सुरेश ऊर्फ गोकुळ बापूराव राठोड (३२) रा. झानेरी असे आरोपीचे नाव आहे. विशेष म्हणजे, त्याने दुचाकी तेलंगणा राज्यात विकल्याचे पोलिसांना सांगितले.
दमपूर मोहदा येथील सरपंच नारायण वाघमारे यांनी त्यांच्या मालकीची होंडा शाइन चोरी गेल्याची तक्रार जिवती पोलिसांत केली होती. त्यानंतर सहा रोजी जिवती येथील दिगांबर इंद्राळे यांनीही होंडा शाइन कंपनीची दुचाकी चोरीची तक्रार केली. त्यानुसार अज्ञात आरोपीविरुद्ध गुन्हा दाखल करण्यात आला होता.