गडचिरोली,(जिमाका)दि.22: राज्यातील रिक्षा संघटना,नागरिक तसेच विविध माध्यमांतून ' बाईक टॅक्सी ' संदर्भाने प्राप्त झालेल्या आहेत. राज्यात खाजगी दुचाकीचा बेकायदेशीर वापर काही संस्था ॲप आधारीत प्रणालीमधून करीत असल्याचे निदर्शनास आले आहे. व त्याठिकाणी संबंधित प्रादेशिक परिवहन अधिकारी यांनी कारवाई केलेली आहे.
महाराष्ट्र राज्य शासनाने अथवा राज्य परिवहन प्राधिकरणाने ' बाईक टॅक्सी ' अशा प्रकारचा कोणताही परवाना कोणालाही अद्याप जारी केलेला नाही. नागरिकांना याद्वारे आवाहन करण्यात येते की, प्रवाशांची फसवणुक होऊ नये म्हणून तसेच त्यांच्या सुरक्षेच्या दृष्टीकोणातुन 'बाईक टॅक्सी ' व अवैधरित्या प्रवाशी वाहतूक देणाऱ्या दुचाकी वाहनांमधुन नागरिकांनी प्रवास करु नये. तसेच अशा ॲपचा वापर करु नये, अशा वाहनांचा वापर मोटार वाहन कायद्याप्रमाणे बेकायदेशीर असून अशा वाहनांविरुध्द कारवाई करण्याच्या सुचना राज्यातील सर्व प्रादेशिक परिवहन अधिकारी व उप प्रादेशिक परिवहन अधिकारी यांना देण्यात आले आहेत.
.jpeg)
