मुंबई/कारंजा : लवकरच महायुती सरकारच्या देवेन्द्र फडणवीस मंत्रीमंडळाचा विस्तार होऊ घातलेला असून, विस्तारात राष्ट्रवादी काँग्रेस अजित पवार गटाच्या निवडक आमदारांची मंत्रीमंडळात वर्णी लागणार असल्याचे व त्यांचा मंत्रीमंडळात प्रवेश झाल्यास हमखासपणे वाशिम जिल्ह्याच्या पालकमंत्रीपदाची माळ त्यांच्याच गळ्यात पडण्याचे विश्वसनिय वृत्त आमच्या करंजमहात्म्य परिवाराच्या मुंबई आणि पुसद यवतमाळच्या प्रतिनिधी कडून कळविण्यात आले आहे.आ. इंद्रनिल मनोहर नाईक हे महाराष्ट्राच्या राजकारणातील प्रतिष्ठित व नावलौकिक प्राप्त असलेल्या नाईक घराण्याचे वंशज असल्यामुळे निश्चितपणे त्यांच्या कारकिर्दीत, परमपूज्य सेवालाल महाराजांची पुण्यभूमी आणि बंजारा समाजाची काशी असलेल्या पोहरादेवीच्या जिल्ह्याचा म्हणजेच वाशिम जिल्ह्याचा सर्वोतोपरी विकास होईल अशी अपेक्षा कारंजा येथील विदर्भ लोककलावंत संघटनेचे अध्यक्ष संजय कडोळे, उमेश अनासाने,प्रदिप वानखडे, लोमेश पाटील चौधरी, लक्ष्मणराव इंगळे, अजाब महाराज ढळे,कांताबाई लोखंडे, इंदिराबाई मात्रे, देवकाबाई इंगोले आदींनी व्यक्त केली आहे.तसेच लवकरच मंत्रीमंडळात होणाऱ्या त्यांच्या प्रवेशासाठी त्यांना शुभेच्छा दिल्या आहेत.
