वाशिम :
लोकसभा सार्वत्रिक निवडणुक २०२४ चा कार्यक्रम जाहीर झालेला आहे.
सदर निवडणुकीचे मतदान २६ एप्रिल रोजी रोजी होणार आहे.
ही निवडणुक खुल्या, निर्भय व मुक्त वातावरणात पार पाडण्यासाठी तसेच निवडणुक कालावधीत कायदा व
सुव्यवस्था अबाधित राहावी म्हणुन मतदानाच्या दिवशी मद्यविक्री ( दारू विक्री ) करण्यास मनाई / कोरडा दिवस जाहीर करण्याबाबत
लोकप्रतिनिधीत्व अधिनियम १९५१ चे कलम १३५ (सी) अन्वये तसेच महाराष्ट्र दारुबंदी कायदा १९४९ चे कलम १४२ (२)
अन्वये प्राप्त अधिकाराने लोकसभा सार्वत्रिक निवडणुक २०२४ च्या कालावधीत संपूर्ण वाशिम जिल्हयात
नमुद केल्याप्रमाणे कोरडे दिवस जाहीर करण्याचे आदेश जिल्हाधिकारी श्रीमती बुवनेश्वरी एस यांनी जारी केले आहे.
२४ एप्रिल २०२४ रोजी सायंकाळी ६ वाजेपासून २६ एप्रिलपर्यंत संपूर्ण दिवस व ४ जून रोजी मतमोजणी दिवसी संपूर्ण दिवस
सर्व मद्यविक्री अनुज्ञप्तीधारकांनी मद्य ( दारू )विक्रीच्या अनुज्ञप्ती
बंद ठेवाव्यात. सदर आदेशांचे तंतोतंत पालन करण्यात यावे. सदर आदेशाचे उल्लंघन करणाऱ्या अनुज्ञप्तीधारकांचे नावे
असलेली अनुज्ञप्ती मुंबई दारुबंदी कायदा १९४९ चे कलम ५४ वा ५६ अन्वये तात्काळ प्रभावाने रद्द करण्यात येईल याची नोंद
घ्यावी.असे जिल्हाधिकारी श्रीमती बुवनेश्वरी एस यांनी कळविले आहे.
आपल्या प्रतिक्रिया द्या....
