कारंजा-दिनांक १४/०३/२०२३ मंगळवार पासुन पुकारलेल्या बेमुदत संपात राज्य सरकारी कर्मचारी दुसऱ्या दिवसी सुध्दा कारंजा तहसील कार्यालय परिसर येथे आयोजित संपात ऊस्फुर्तपणे सहभागी झाले. बेमुदत संपाच्या दुसऱ्या दिवसी तहसीलदार धीरज मांजरे व गटशिक्षणाधिकारी श्रीकांत माने यांनी उपस्थित राहून मार्गदर्शन केले.
सदर संपात मध्ये प्रामुख्याने महसूल विभाग,आरोग्य विभाग, ग्रामसेवक,शिक्षक-शिक्षकेतर कर्मचारी,नगर परिषद कर्म.यांचा उस्फुर्त प्रतिसाद लाभला. याप्रसंगी उपस्थितांनी संपाबाबत उद्बोधन केले. पुरोगामी शिक्षक संघटनेचे अध्यक्ष इरफान मिर्झा, साने गुरुजी शिक्षक सेवा संघाचे सचिव नंदकिशोर भोयर,उर्दू शिक्षक संघटनेचे शमीम फरहत, आदर्श बहुजन शिक्षक संघटनेचे सचिव विनोद सुरवाडे,शिक्षक समितीचे संजय शंकरपुरे, माध्यमिक शिक्षक संघाचे प्रशांत भगत, शिक्षण संघर्ष संघटनेचे कार्याध्यक्ष विजय भड,म.रा जुनी पेंशन हक्क संघटनचे अध्यक्ष निलेश कानडे,कारंजा तालुका सचिव राहुल गावंडे,ग्रामसेवक संघटनेचे गावंडे,आरोग्य संघटनेचे एस .टी सोनोने,शिक्षिका मनिषा जगताप,महसूल विभागाचे राजेश सरोदे, ग्रामसेवक संघटनेचे अमोल पाटिल आदिनी आपले मनोगत व्यक्त केले.
सदर संपाला कारंजा तहसीलचे तहसीलदार धीरज मांजरे व कारंजा पंचायत समितीचे गटशिक्षणाधिकारी श्रीकांत माने, नायब तहसीलदार दामोदर पाचारणे यांनी उपस्थित राहून व जूनी पेन्शनची टोपी परिधान केली व संपकरीना उद्बोधन केल्यामुळे उपस्थितांमध्ये जल्लोषाचे वातावरण निर्माण झाले.जुन्या पेंशनची मागणी पूर्ण होई पर्यन्त बेमुदत संप सुरुच राहिल असे संपकरी मंडळीने ठरविले असल्याचे वृत्त महाराष्ट्र राज्यस्तरीय पत्रकार परिषदेचे अध्यक्ष संजय कडोळे यांचेकडे शिक्षण संघर्ष संघटनेचे कार्याध्यक्ष विजय भड यांनी प्रसिद्धी पत्रकाद्वारे कळवीले आहे.
.jpg)
