कारंजा : नगरपरिषद कारंजा जिल्हा वाशिम अंतर्गत, दीनदयाळ अंत्योदय योजना राष्ट्रीय नागरी उपजीविका अभियान अंतर्गत सोनचिरैया
शहर उपजीविका केंद्राचा उद्घाटन सोहळा कारंजा मानोरा विधानसभा मतदार संघाच्या लोकप्रिय सन्माननीय आमदार श्रीमती सईताई प्रकाशदादा डहाके यांच्या शुभहस्ते संपन्न झाला..
सदर कार्यक्रमास मा. मुख्याधिकारी महेशजी वाघमोडे , नगर अभियंता विजय घुगरे, आरोग्य निरीक्षक श्रीवास्तव सर, कर निरीक्षक विवेक वळसे, राम बनसोड, कॅनरा बँकेच्या बँक मॅनेजर अश्विनी निखाडे, शहर अभियान व्यवस्थापक संघरत्न नरवाडे, गुरुमाऊली शहर स्तर संघाचे अध्यक्षा पूनम तिडके,
समुदाय संघटक राजू मनवर, रूपाली साखरकर, शहर उपजीविका केंद्र व्यवस्थापक सागर हिरे, सहाय्यक रत्नकुमार गजभिये, स्नेहा चव्हाण, चंदन निशाणराव, बचत गटातील महिला मोठ्या संख्येने उपस्थित होत्या..
सदरील कार्यक्रमाचे प्रास्ताविक मा. मुख्याधिकारी महेश वाघमोडे सर यांनी केले.ज्यामध्ये त्यांनी सांगितले की , राष्ट्रीय नागरी उपजीविका अभियान सातत्याने
महिलांनी जास्तीत जास्त उद्योग व्यवसाय करून आर्थिक दृष्ट्या सक्षम व्हावे.बदलत चाललेले जग आणि काळानुसार वस्तूंची असलेली मागणी यानुसार आपल्या उत्पादनामध्ये प्रॉडक्ट पॅकेजिंग, लेबलिंग आणि मार्केटिंग या घटकांवर भर देऊन आपले प्रॉडक्ट अधिक दर्जेदार करण्या बाबतही मार्गदर्शन केले.तसेच महिलांनी तयार केलेल्या वस्तूंना बाजारपेठ मिळावी याकरिता शहर उपजीविका केंद्र काम करणारा असून शहरातील नागरिकांना विविध सेवा या उपजीविका केंद्राच्या माध्यमातून देण्यात येणार असल्याबाबत माननीय मुख्याधिकारी यांनी माहिती सांगितली. त्याचबरोबर
मा. आमदार सईताई डहाके यांनी बचत गटाची लोक चळवळ होऊन महिलांनी आत्मनिर्भर व्हावे व उपजीविकेच्या नवीन नवीन संधी शोधून आर्थिकदृष्ट्या सक्षम व्हावे असे आवाहन त्यांनी उपस्थित महिलांना केले.
मान्यवरांच्या मार्गदर्शना नंतर शहर उपजीविका केंद्राचे रिबीन कापून उद्घाटन मा. आमदार सईताई डहाके यांच्या शुभहस्ते करण्यात आले..
राष्ट्रीय नागरी उपजीविका अभियानांतर्गत स्वयंरोजगार कर्ज प्रकरण अंतर्गत सावित्रीबाई फुले स्वयंसहायता महिला बचत गटास बँक ऑफ इंडिया कडून तीन लक्ष रुपयाचा धनादेश व मा जिजाऊ स्वयंसहायता महिला बचत गटास कॅनरा बँकेकडून चार लाख पन्नास हजार रुपयांचा धनादेश माननीय आमदार सईताई प्रकाशदादा डहाके , माननीय मुख्याधिकारी महेशजी वाघमोडे व उपस्थित मान्यवर यांच्या शुभहस्ते देण्यात आला.
यावेळेस स्वच्छता विभागातील उत्कृष्ट काम करणारा कर्मचाऱ्यांचा प्रमाणपत्र व पुष्पगुच्छ देऊन सत्कार करण्यात आला. तसेच स्वच्छ भारत अभियान अंतर्गत घेण्यात आलेल्या स्पर्धेमध्ये विद्यार्थी व शाळांनाही पुरस्कार देऊन सन्मानित करण्यात आले.
सदरील कार्यक्रम मा. मुख्याधिकारी श्री महेश वाघमोडे सर यांच्या मार्गदर्शनाखाली विवेक वळसे,
राष्ट्रीय नागरी उपजीविका अभियानांतर्गत कार्यरत
शहर अभियान व्यवस्थापक संघरत्न नरवाडे,समुदाय संघटक रूपाली साखरकर, राजू मनवर व सागर हिरे, रत्नकुमार गजभिये ,
इतर नगरपरिषद अधिकारी,कर्मचारी यांनी यशस्वी केला .
कार्यक्रमाचे सूत्रसंचालन संघरत्न नरवाडे यांनी केले .
सदरील कार्यक्रमास बचत गटातील महिला मोठ्या संख्येने उपस्थित होत्या.
आपल्या प्रतिक्रिया द्या....
.jpg)
.jpeg)
