भारतरत्न डॉ. बाबासाहेब आंबेडकर यांच्या सन्मानार्थ मोहत्सवी वातावरणात संविधान दिन मोहसिनभाई जव्हेरी महाविद्यालय, देसाईगंज (वडसा) येथे उत्साहात साजरा करण्यात आला. महाविद्यालयाच्या एनएसएस विभागाच्या पुढाकाराने या दिनानिमित्त विविध उपक्रमांचे आयोजन करून विद्यार्थ्यांना संविधानाच्या मूल्यांची जाण करून देण्यात आली.
कार्यक्रमाची सुरुवात भारताच्या संविधान निर्मितीतील डॉ. बाबासाहेब आंबेडकर यांच्या अमूल्य योगदानाचे स्मरण करून झाली. प्रमुख पाहुणे व प्राध्यापकांनी विद्यार्थ्यांना संविधानाचे महत्व, लोकशाहीची तत्त्वे आणि नागरीक म्हणून आपली कर्तव्ये यांबाबत मार्गदर्शन केले.
महाविद्यालयात आयोजित उपक्रमांमध्ये सामूहिक संविधान वाचन हा कार्यक्रम विशेष आकर्षण ठरला. विद्यार्थ्यांनी आणि शिक्षकांनी संविधानाची प्रस्तावना एकत्रितपणे वाचून लोकशाही, समता, बंधुता आणि न्याय या भारतीय संविधानाच्या मूलभूत मूल्यांप्रती आपली निष्ठा व्यक्त केली.
एनएसएस कार्यक्रम अधिकारी आणि महाविद्यालयीन प्रशासनाच्या मार्गदर्शनाखाली संपूर्ण कार्यक्रम सुरळीतपणे पार पडला. विद्यार्थ्यांचा उत्स्फूर्त सहभाग आणि देशभक्तीची भावना यामुळे संविधान दिनाचा कार्यक्रम अविस्मरणीय ठरला.
.jpg)
.jpeg)
