वाशिम (जिल्हा प्रतिनिधी संजय कडोळे.) : प्रशासकीय कारणास्तव जवाहर नवोदय विद्यालयाच्या इयत्ता 5 वी करीता घेण्यात येणारी निवड चाचणी परीक्षेचे अर्ज भरण्यासाठी आता 25 ऑगस्ट 2023 पर्यंत मुदत वाढविण्यात आली आहे. त्यामुळे इयत्ता 5 वीत शिक्षण घेत असलेले विद्यार्थी www.navodaya.gov.in किंवा www.cbseitms.rcil.gov.in/nvs या संकेतस्थळावर भेट देवून विनामुल्य अर्ज करु शकतात.
नोंदणीकृत उमेदवारांसाठी ऑनलाईन अर्जामध्ये बदल करण्यासाठी 26 व 27 ऑगस्ट रोजी अर्जात दूरुस्ती करण्यासाठी खिडकी उघडण्यात येणार आहे. ज्यामध्ये लिंग, प्रवर्ग, क्षेत्र, अपंगत्व आणि परीक्षेचे माध्यम या क्षेत्रामध्ये दूरुस्ती करता येईल. असे जवाहर नवोदय विद्यालयाचे प्राचार्य एस.डी. खरात यांनी कळविले आहे.
