कारंजा (लाड) :- दि.26 जानेवारी 2025 रोजी वाशिम येथील पोलीस मुख्यालय कवायत मैदान येथे शासकीय ध्वजारोहणानंतर वाशिम जिल्ह्याचे पालकमंत्री तथा वैद्यकीय शिक्षण मंत्री ना.हसन मुश्रीफ साहेब यांनी महाराष्ट्र शासनाकडून दिला जाणारा क्रीडा व युवक सेवा संचालनालय महाराष्ट्र राज्य पुणे अंतर्गत जिल्हा क्रीडा अधिकारी कार्यालय वाशिम यांच्या वतीने संस्था क्षेत्रात उत्कृष्ट काम करणाऱ्या संस्थेचा "जिल्हा युवा पुरस्कार 2023-24" सर्व धर्म मित्र मंडळ कारंजा या संस्थेला प्रदान केला.या पुरस्काराचे स्वरूप सन्मानचिन्ह,सन्मानपत्र तथा पन्नास हजार रुपयाचे रोख पारितोषिक असे आहे.यावेळेस पालकमंत्र्याच्या हस्ते स्मृतिचिन्ह,सन्मानपत्र,पुष्पगुच्छ तथा पन्नास हजार रुपयाचा धनादेश - सर्व धर्म मित्र मंडळ कारंजाच्या वतीने श्याम सवाई,अजय ढोक,राजू कांबळे दीपक सोनवणे,पंकज चव्हाण यांनी हा पुरस्कार स्वीकारला.पुरस्कार वितरण सोहळ्याला जिल्हाधिकारी बुवनेश्वरी एस. ; पोलीस अधीक्षक अनुज तारे ; मुख्य कार्यपालन अधिकारी वैभव वाघमारे ; निवासी उपजिल्हाधिकारी विश्वनाथ घुगे ; जिल्हा क्रीडा अधिकारी लता गुप्ता व अन्य मान्यवर उपस्थित होते.
सर्व धर्म मित्र मंडळ गेल्या पंचवीस वर्षापासून वाशिम जिल्ह्यात विविध सामाजिक उपक्रमात आपले सामाजिक दायित्व सिद्ध करत आहे . त्यांच्या ह्या कार्याची दखल घेऊन त्यांना जिल्हा युवा पुरस्कार प्रदान करण्यात आला आहे . सर्व धर्म मित्र मंडळाचे सल्लागार निलेश सोमानी व सौ.भारती सोमानी यांचे मार्गदर्शन संस्थेला नेहमी उपक्रमाकरिता लाभत असते.सोमानी दाम्पत्य सदैव संस्थेला विविध स्वरूपात व वैयक्तिक स्वरूपातही आर्थिक रूपाने वेळोवेळी सहकार्य करीत असतात. श्याम सवाई व सर्वधर्म मित्र मंडळाला पुरस्कार मिळाल्याबद्दल विदर्भ लोककलावंत संघटना कारंजाचे अध्यक्ष तथा महाराष्ट्र शासन पुरस्कार सन्मान प्राप्त ज्येष्ठ पत्रकार संजय कडोळे यांनी आनंद व्यक्त केला असून पुरस्कारार्थी मंडळाचे अभिनंदन केले आहे.
.jpeg)