ब्रम्हपुरी:- म.रा.माध्यमिक व उच्च माध्यमिक शिक्षण मंडळ नागपुर यांचे अंतर्गत घेण्यात आलेल्या बाराविच्या परिक्षेचा निकाल नुकताच जाहिर असुन स्थानिक ख्रिस्तानंद स्कुल अँड ज्युनिअर काँलेज ब्रम्हपुरी चा निकाल १०० टक्के लागलेला आहे. दरवर्षी प्रमाणे याही वर्षी १०० टक्के निकालाची परंपरा कनिष्ट महाविद्यालयाने कायम राखली आहे.
कनिष्ट महाविद्यालयातुन आशय बबन मोटघरे याने ८६ टक्के गुण घेवुन प्रथम येण्याचा मान मिळविला आहे तर तन्मय सुरेश देशमुख याने ८५.८३ टक्के गुण घेवुन द्वितिय तर हर्ष प्रदिपराव कोहळे,आर्थिक विलास मेश्राम यांनी ८४.१७ टक्के गुण घेवुन तृतिय तसेच करुनामय सुरेंद्र माहतो याने ८३.१७ टक्के ,कोमल सुशिल पाकमोडे हिला ८२.८३ टक्के,प्रक्षेप भोजराज सांदोकर याला ८२.६७ टक्के,सुरज सुरेंद्र आत्राम याला ८१.८३ टक्के,श्रेया नितिन अग्रवाल तसेच सुषमा सुधाकर शिलार हिने ८१.१७ टक्के गुण घेवून प्राविण्य प्राप्त केले.
ब्रम्हपुरी तालुक्यात इंग्रजी माध्यमाचे शिक्षण देणारी ख्रिस्तानंद स्कुल अँड ज्युनिअर काँलेज ही सर्वात मोठी व जुनी शाळा आहे.नियमित होणारे वर्ग,शिस्तबद्धता, उच्चविद्याविभुषित शिक्षकवर्ग यामुळेच दरवर्षी दहावी व बाराविचा निकाल १०० टक्के लागतो. कनिष्ट महाविद्यालयातुन ११४ विद्यार्थ्यांनी परिक्षा दिली त्यात ८० टक्के च्या वरती १३ विद्यार्थी,७० ते ८० टक्यांमध्ये ५१ विद्यार्थी,६० ते ७० टक्यांमध्ये ४२ विद्यार्थी,तसेच ५० ते ६० टक्कांमध्ये ८ विद्यार्थ्यांनी यश संपादन केले.
विद्यार्थ्यांच्या यशाबद्दल विद्यालयाचे व्यवस्थापक फादर कुरीयन,मुख्याध्यापिका सिस्टर पावना, उपमुख्याध्यापिका सिस्टर जिन्सिटा,तसेच सर्व शिक्षक व शिक्षकेत्तर कर्मचारी यांनी काैतुक केलेले आहे.
.jpg)
